സാരി വിറ്റ പണം ഗാന്ധി ഭവനിലെ അന്തേവാസികൾക്ക് നൽകി നവ്യ നായർ; കൈയ്യടിച്ചു സോഷ്യൽ മീഡിയ

MARCH 30, 2024, 12:14 PM

നവ്യ നായർ ഇപ്പോൾ സിനിമയിൽ സജീവമല്ലെങ്കിലും മലയാളികളുടെ പ്രിയ താരമാണ്. താരം ഈ അടുത്തിടെ ആണ് താൻ ഒരിക്കൽ മാത്രം ഉപയോഗിച്ചതും ഇതുവരെയും ഉപയോഗിച്ചിട്ടില്ലാത്തതുമായ സാരികൾ വിൽപ്പനയ്ക്കായി വെച്ചത്. അത് വലിയ രീതിയിൽ വാർത്തയും ആയിരുന്നു.

ഇത്തരമൊരു പ്രവൃത്തിയുമായി രംഗത്തെത്തിയപ്പോൾ നിരവധി വിമർശനവും നടിക്ക് കേൾക്കേണ്ടി വന്നിരുന്നു. എന്നാലിപ്പോൾ തന്നെ വിമർശിച്ചവരോട് മധുര പ്രതികാരം ചെയ്തിരിക്കുകയാണ് നവ്യ.സാരി വിറ്റ പണം കൊണ്ട് സമ്മാനങ്ങൾ വാങ്ങി ഗാന്ധിഭവനിലെത്തിയിരിക്കുകയാണ് നവ്യ നായർ.

അതേസമയം കുറ്റപ്പെടുത്തിയവരോട് പരാതിയില്ലെന്ന് നടി പറഞ്ഞു. സാരി വിറ്റ് കിട്ടിയ പണവും കയ്യിലെ കുറച്ച് പണവും ചേർത്ത് ഒട്ടനവധി സാധനങ്ങളുമായി ആണ് നവ്യ പത്തനാപുരത്തെ ഗാന്ധിഭവനിലേക്കെത്തിയത്. സാരി വിറ്റ് ലഭിച്ച തുക ഗാന്ധിഭവനിലെ അഗതികൾക്കായി നവ്യാ നായർ സമ്മാനിച്ചു.