ഒറിജിനൽ ഫ്രീക്കി ഫ്രൈഡേ പുറത്തിറങ്ങി രണ്ട് പതിറ്റാണ്ടുകൾക്ക് ശേഷം, ലിൻഡ്‌സെ ലോഹനും ജാമി ലീ കർട്ടിസും  വീണ്ടും ഒന്നിക്കുന്നു. ചിത്രത്തിന്റെ സീക്വൽ ഉടൻ എത്തുമെന്നാണ് സൂചന.

അടുത്തിടെ നൽകിയ അഭിമുഖത്തിൽ, കർട്ടിസുമായി സഹകരിക്കുന്നതിലുള്ള ആവേശം  ലോഹൻ പങ്കുവെച്ചു. എന്നാൽ സിനിമയുടെ ചിത്രീകരണം എപ്പോൾ ആരംഭിക്കുമെന്നോ  സ്‌ക്രിപ്റ്റ്പൂർത്തിയായോ തുടങ്ങിയ സൂചനകൾ ഒന്നും നൽകിയില്ല. 

ഇരുപതാം വാർഷികം ആഘോഷിച്ച കഴിഞ്ഞ വർഷം മുതൽ ഒരു ഫ്രീക്കി ഫ്രൈഡേയുടെ  സീക്വലിനെക്കുറിച്ചുള്ള ചർച്ചകൾ സജീവമാണ്. കർട്ടിസ് തുടർച്ചയെക്കുറിച്ച് വിവിധ അഭിമുഖങ്ങളിൽ വാചാലനായിട്ടുണ്ട്.

2023 മെയ് മാസത്തിൽ എലിസ് ഹോളണ്ടർ തിരക്കഥ എഴുതുകയാണെന്ന് വെറൈറ്റി റിപ്പോർട്ട് ചെയ്തതോടെയാണ് ഫ്രീക്കി ഫ്രൈഡേ തുടർച്ചയെക്കുറിച്ചുള്ള വാർത്തകൾ ശ്രദ്ധ നേടിയത്.

മേരി റോഡ്‌ജേഴ്‌സിൻ്റെ 1972-ലെ നോവലിനെ അടിസ്ഥാനമാക്കി, ഫ്രീക്കി ഫ്രൈഡേ വർഷങ്ങളായി ഒന്നിലധികം അഡാപ്റ്റേഷനുകൾ വന്നിട്ടുണ്ട്.  എന്നാൽ ലോഹൻ-കർട്ടിസ് പതിപ്പ് ഏറ്റവും വിജയകരമായി തന്നെ തുടരുന്നു. 2003-ൽ പുറത്തിറങ്ങിയപ്പോൾ ബോക്‌സ് ഓഫീസിൽ ചിത്രം $160 മില്യൺ നേടി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്