കരിക്ക് താരം സ്നേഹ ബാബു വിവാഹിതയായി

JANUARY 9, 2024, 10:19 AM

കരിക്ക് വെബ്സീരിസിലൂടെ ശ്രദ്ധേയായ നടി സ്നേഹ ബാബു വിവാഹിതയായി. കരിക്ക് ടീമിലെ തന്നെ അംഗം അഖില്‍ സേവ്യറാണ് വരൻ. ഞായറാഴ്ചയായിരുന്നു ഇരുവരുടെയും വിവാഹം. കരിക്കിലെ സാമര്‍ഥ്യശാസ്ത്രം എന്ന സീരിസിന്‍റെ ഛായഗ്രാഹകനായിരുന്നു അഖില്‍.

സാമര്‍ഥ്യശാസ്ത്രത്തിന്‍റെ ചിത്രീകരണത്തിനിടയിലാണ് ഇരുവരും പരിചയപ്പെടുന്നതും സൗഹൃദത്തിലാകുന്നതും. പിന്നീട് ഈ സൗഹൃദം പ്രണയത്തിലേയ്ക്കും വിവാഹത്തിലേയ്ക്കും എത്തുകയായിരുന്നു.

അതേസമയം സിനിമയിലും സജീവമാണ് സ്നേഹ. ആദ്യരാത്രി, ഗാനഗന്ധര്‍വൻ, മിന്നല്‍ മുരളി എന്നീ ചിത്രങ്ങളിലും ശ്രദ്ധേമായ വേഷങ്ങളില്‍ സ്നേഹ പ്രത്യക്ഷപ്പെട്ടിരുന്നു. ഇന്റീരീയര്‍ ഡിസൈനിംഗ് പഠിച്ചുകൊണ്ടിരുന്ന സ്നേഹ ടിക്ടോക്കില്‍ സജീവമായിരുന്നു. അതുവഴിയാണ് കരിക്ക് സീരിസിലേക്ക് അവസരം ലഭിക്കുന്നത്.