-20230617033234.jpg)
ന്യൂഡെല്‍ഹി: കേന്ദ്ര സര്‍ക്കാരിന്റെ അഗ്നിവീര് പദ്ധതിയെ ചുറ്റിപ്പറ്റിയുള്ള വിവാദങ്ങള്‍ക്കിടെ പദ്ധതിയെ ശക്തമായി പിന്തുണച്ച് നടിയും ബിജെപി എംപിയുമായ കങ്കണ റാണാവത്ത് രംഗത്തെത്തി. ചുരുങ്ങിയ കാലം പോലും സൈന്യത്തില്‍ സേവനമനുഷ്ഠിക്കുന്നത് എല്ലാവര്‍ക്കും മികച്ച വ്യക്തിത്വം നേടിയെടുക്കാന്‍ സഹായിക്കുമെന്ന് കങ്കണ പറഞ്ഞു. ദേശീയതയും ജീവിത മൂല്യങ്ങളും നേടിയെടുക്കാന്‍ സൈനിക സേവനം സഹായിക്കുമെന്നും കങ്കണ അഭിപ്രായപ്പെട്ടു.
'ഞാനും ഒരു ചെറിയ ഗ്രാമത്തില്‍ നിന്നാണ്, ആത്മവിശ്വാസക്കുറവും ഗ്രാമങ്ങളില്‍ നിന്നും സര്‍ക്കാര്‍ ഹിന്ദി മീഡിയം സ്‌കൂളുകളില്‍ നിന്നും വരുന്ന ഞങ്ങള്‍ക്ക് വലിയ വെല്ലുവിളികളാണ്. കുറച്ച് കാലം പോലും സൈന്യത്തില്‍ സേവനം ചെയ്യുക. ഈ കാലഘട്ടം നിങ്ങളെ വളര്‍ത്തുക മാത്രമല്ല, മര്യാദകള്‍ക്കും അച്ചടക്കത്തിനും ഒപ്പം നിങ്ങള്‍ക്ക് ഒരു വ്യക്തിത്വം/സ്വഭാവം, അച്ചടക്കം എന്നിവ നല്‍കുകയും നിങ്ങള്‍ ആഗ്രഹിക്കുന്നുവെങ്കില്‍ ഒരു സൈനികനാകാനുള്ള അവസരവും നല്‍കും. ലോകം കീഴടക്കാന്‍ നിങ്ങള്‍ക്ക് മറ്റെന്താണ് വേണ്ടത്?' കങ്കണ എക്‌സ് പോസ്റ്റില്‍ കുറിച്ചു.
'ഈ പരിശീലനത്തിനെല്ലാം നിങ്ങള്‍ക്ക് പ്രതിഫലം ലഭിക്കുന്നു. ഞാന്‍ വളരുന്ന കാലത്ത് ഇത്തരം പദ്ധതികള്‍ ഉണ്ടായിരുന്നെങ്കില്‍ എന്ന് ഞാന്‍ ആഗ്രഹിക്കുന്നു. മാനസികമായും വൈകാരികമായും ശാരീരികമായും ഒരു സൈനികയാവാന്‍ എനിക്ക് എന്നെത്തന്നെ പരിശീലിപ്പിക്കേണ്ടിവന്നു. ഞാന്‍ ജിമ്മില്‍ ചേര്‍ന്നു, ദിവസവും അന്നന്നത്തെ ആഹാരം സമ്പാദിക്കാന്‍ പാടുപെടുന്നതിനിടയില്‍ രാമകൃഷ്ണ മിഷനും സന്ദര്‍ശിക്കാറുണ്ടായിരുന്നു,'' കങ്കണ പറഞ്ഞു.
'4 വര്‍ഷത്തിന് ശേഷം, പിരിച്ചു വിടുന്ന സൈനികരെ നിങ്ങളുടെ വീടിന്റെ ഗേറ്റില്‍ കാവല്‍ക്കാരായി നിര്‍ത്തുമോ?'' എന്ന് ഒരു ഉപയോക്താവ് കങ്കണയോട് ചോദിച്ചു.
''സിആര്‍പിഎഫ്, ബിഎസ്എഫ് തുടങ്ങിയ സര്‍ക്കാര്‍ സുരക്ഷാ സേനകളില്‍ അവര്‍ക്ക് സംവരണമുണ്ട്, ഒരു സ്വകാര്യ ഗാര്‍ഡായിരിക്കുന്നതില്‍ എന്താണ് തെറ്റ്? അവര്‍ അന്തസ്സോടെയും സത്യസന്ധതയോടെയും സമ്പാദിക്കുന്നു, ജീവിതം നയിക്കുന്നു, അവരെ അപമാനിക്കുന്നത് നിര്‍ത്തുക,' എന്നായിരുന്നു കങ്കണയുടെ മറുപടി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
