ഐപിഎൽ 2026-ലെ ഏറ്റവും വാശിയേറിയ ചെന്നൈ സൂപ്പർ കിംഗ്സ് - മുംബൈ ഇന്ത്യൻസ് പോരാട്ടത്തിന് സാക്ഷ്യം വഹിക്കാൻ തമിഴ് സൂപ്പർ താരം ധനുഷ് എത്തി. ചെന്നൈയിലെ ചെപ്പോക്ക് സ്റ്റേഡിയത്തിൽ നടന്ന മത്സരത്തിൽ തന്റെ മക്കളായ യാത്ര രാജ, ലിംഗ ധനുഷ് എന്നിവർക്കൊപ്പമാണ് താരം എത്തിയത്.
വിഐപി സ്റ്റാൻഡിലിരുന്ന് സിഎസ്കെയുടെ ഓരോ നീക്കങ്ങളെയും ആവേശത്തോടെ പ്രോത്സാഹിപ്പിക്കുന്ന ധനുഷിന്റെ വീഡിയോകളും ചിത്രങ്ങളും ഇതിനോടകം തന്നെ സമൂഹമാധ്യമങ്ങളിൽ വൈറലായിക്കഴിഞ്ഞു.
ഐപിഎല്ലിലെ 'എൽ ക്ലാസിക്കോ' എന്ന് വിശേഷിപ്പിക്കപ്പെടുന്ന ഈ പോരാട്ടത്തിൽ തന്റെ പ്രിയപ്പെട്ട ടീമിനായി ആവേശപൂർവ്വം കൈയടിക്കുന്ന ധനുഷ് ആരാധകർക്കിടയിൽ വലിയ ശ്രദ്ധ പിടിച്ചുപറ്റി.
മത്സരത്തിൽ മുംബൈ ഇന്ത്യൻസിനെ തകർത്ത് ചെന്നൈ സൂപ്പർ കിംഗ്സ് സീസണിലെ രണ്ടാം വിജയം സ്വന്തമാക്കി. ആദ്യം ബാറ്റ് ചെയ്ത മുംബൈയെ 159 റൺസിൽ ഒതുക്കിയ സിഎസ്കെ, ക്യാപ്റ്റൻ ഋതുരാജ് ഗെയ്ക്വാദും കാർത്തിക് ശർമ്മയും നേടിയ അർദ്ധസെഞ്ചുറികളുടെ കരുത്തിൽ ലക്ഷ്യം മറികടന്നു.
ഈ തോൽവിയോടെ ഹാർദിക് പാണ്ഡ്യ നയിക്കുന്ന മുംബൈയുടെ പ്ലേ ഓഫ് പ്രതീക്ഷകൾ മങ്ങിയിരിക്കുകയാണ്. വർഷങ്ങളായി സിഎസ്കെയുടെ കടുത്ത ആരാധകനായ ധനുഷ്, സിനിമ തിരക്കുകൾക്കിടയിലും ടീമിനെ പിന്തുണയ്ക്കാൻ സ്റ്റേഡിയത്തിൽ എത്താറുണ്ട്. 'രായൻ' എന്ന ചിത്രത്തിന് ശേഷം രാജ്കുമാർ പെരിയസാമി, മാരി സെൽവരാജ്, പാച്ചു മുത്തു തമിഴരശൻ എന്നിവരുടെ സിനിമകളിലും വട ചെന്നൈ 2-ലും അഭിനയിക്കാനുള്ള ഒരുക്കത്തിലാണ് താരം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260623124641.jpg)
-20260622112504.jpg)
1-20260620125806.jpg)
1-20260620062611.jpg)
1-20260620054728.jpg)
-20260619111034.jpg)
-20201113034026.jpg)
