പ്രശസ്ത ഗായിക കാർഡി ബി  തന്റെ കാമുകനും എൻഎഫ്എൽ താരവുമായ സ്റ്റെഫൺ ഡിഗ്സുമായുള്ള വേർപിരിയൽ സ്ഥിരീകരിച്ചു. കഴിഞ്ഞ വർഷം ജൂണിൽ പ്രണയത്തിലാണെന്ന് വെളിപ്പെടുത്തുകയും നവംബറിൽ ഇവർക്ക് ഒരു ആൺകുഞ്ഞ് ജനിക്കുകയും ചെയ്തിരുന്നു. ഇതിന് പിന്നാലെയാണ് ഇപ്പോൾ ഇരുവരും വേർപിരിഞ്ഞെന്ന വാർത്ത കാർഡി ബി തന്നെ പുറത്തുവിട്ടത്.

ലോസ് ആഞ്ചലസിൽ നടന്ന തന്റെ ലിറ്റിൽ മിസ് ഡ്രാമ ടൂറിനിടെയാണ് കാർഡി ബി ഇക്കാര്യം ആരാധകരോട് പറഞ്ഞത്. സ്റ്റെഫൺ ഡിഗ്സിനെതിരെ മറ്റൊരു ഗായികയായ ബി.ഐ.എ. (BIA) നടത്തിയ പരാമർശങ്ങളോടുള്ള പ്രതികരണമായാണ് കാർഡി ബി വേർപിരിയൽ വാർത്ത പങ്കുവെച്ചത്.

 "ഞാൻ എന്റെ കുഞ്ഞിന്റെ അച്ഛനുമായി പിരിഞ്ഞു എന്നതുകൊണ്ട്, അദ്ദേഹത്തെക്കുറിച്ച് മോശമായി സംസാരിക്കാൻ നിങ്ങൾക്ക് അവകാശമില്ല," എന്ന് കാർഡി ബി വേദിയിൽ വെച്ച് പറഞ്ഞു. ഇതിനുശേഷം ബി.ഐ.എ.യ്ക്ക് എതിരെ താൻ പാടിയ Pretty & Petty എന്ന ഡിസ് ട്രാക്ക് ഗായിക വേദിയിൽ അവതരിപ്പിക്കുകയും ചെയ്തു.

സൂപ്പർ ബൗൾ LX-ൽ  ന്യൂ ഇംഗ്ലണ്ട് പാട്രിയറ്റ്‌സ് തോറ്റതിന് പിന്നാലെ ഇരുവരും ഇൻസ്റ്റാഗ്രാമിൽ അൺഫോളോ ചെയ്തതോടെയാണ് വേർപിരിയൽ വാർത്തകൾ പുറത്തുവന്നത്. ടീമിന്റെ തോൽവിക്ക് ശേഷം കാർഡി ബി ഒരു വീഡിയോ പങ്കുവെച്ചിരുന്നു, എന്നാൽ അതിൽ സ്റ്റെഫൺ ഡിഗ്സിനെക്കുറിച്ച് ഒന്നും പറഞ്ഞിരുന്നില്ല. 

നിലവിൽ തന്റെ സംഗീത പര്യടനത്തിലാണ് കാർഡി ബി. ഫെബ്രുവരി 11 ന് കാലിഫോർണിയയിൽ ആരംഭിച്ച് ഏപ്രിൽ 18 ന് ജോർജിയയിലെ അറ്റ്ലാന്റയിൽ അവസാനിക്കും. 35 കച്ചേരികൾ ഉൾക്കൊള്ളുന്ന ഈ ടൂർ, അവരുടെ രണ്ടാമത്തെ സ്റ്റുഡിയോ ആൽബമായ ആം ഐ ദി ഡ്രാമയെ പിന്തുണച്ചാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്