ദക്ഷിണാഫ്രിക്കയുടെ വിശ്വസ്തനായ മധ്യനിര ബാറ്റർ റാസ്സി വാൻ ഡെർ ഡസ്സൻ അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു.
37-ാം വയസ്സിലാണ് താരം തന്റെ കരിയർ അവസാനിപ്പിക്കുന്നത്. 2026-27 സീസണിലേക്കുള്ള ദക്ഷിണാഫ്രിക്കൻ ക്രിക്കറ്റ് ബോർഡിന്റെ സെൻട്രൽ കോൺട്രാക്ട് പട്ടികയിൽ ഇടം പിടിക്കാത്തതിന് പിന്നാലെയാണ് അദ്ദേഹം ഈ സുപ്രധാന തീരുമാനം കൈക്കൊണ്ടത്. സോഷ്യൽ മീഡിയയിലൂടെയായിരുന്നു വാൻ ഡെർ ഡസ്സൻ തന്റെ വിരമിക്കൽ വാർത്ത ആരാധകരെ അറിയിച്ചത്. വൈറ്റ് ബോൾ ക്രിക്കറ്റിൽ ദക്ഷിണാഫ്രിക്കയുടെ ഏറ്റവും സ്ഥിരതയുള്ള താരങ്ങളിൽ ഒരാളായിരുന്ന അദ്ദേഹം, തന്റെ കരിയറിൽ ഉടനീളം ടീമിനായി നൽകിയ സംഭാവനകളെ കുറിച്ച് വികാരാധീനനായി സംസാരിച്ചു.
57 ടി20 മത്സരങ്ങളിലും 71 ഏകദിനങ്ങളിലും 18 ടെസ്റ്റ് മത്സരങ്ങളിലും അദ്ദേഹം ദക്ഷിണാഫ്രിക്കൻ ജേഴ്സി അണിഞ്ഞിട്ടുണ്ട്. ലാഹോറിൽ നടന്ന ചാമ്പ്യൻസ് ട്രോഫിയിൽ ന്യൂസിലൻഡിനെതിരായ പോരാട്ടത്തിൽ നേടിയ 69 റൺസാണ് അദ്ദേഹത്തിന്റെ അവസാന അന്താരാഷ്ട്ര ഇന്നിംഗ്സ്. സമ്മർദ്ദഘട്ടങ്ങളിൽ പതറാതെ ബാറ്റ് ചെയ്യാനുള്ള അദ്ദേഹത്തിന്റെ കഴിവ് ദക്ഷിണാഫ്രിക്കൻ ബാറ്റിംഗ് നിരയ്ക്ക് വലിയ കരുത്തായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260401073824.jpg)
