നടി ജനനി അയ്യർ വിവാഹിതയായി

MARCH 31, 2026, 12:48 AM

നടി ജനനി അയ്യർ വിവാഹിതയായി. പൈലറ്റ് ആയ സായി റോഷൻ ശ്യാം ആണ് വരൻ. വർഷങ്ങളായി ജനനിയുടെ അടുത്ത സുഹൃത്ത് കൂടിയാണ് സായി. വിവാഹചിത്രങ്ങൾ ജനനി ഇൻസ്റ്റഗ്രാമിൽ പങ്കുവച്ചു.

ത്രി ഡോട്സ് എന്ന ചിത്രത്തിൽ കുഞ്ചാക്കോ ബോബന്റെ നായികയായിട്ടായിരുന്നു ജനനി മലയാളത്തിലെത്തിയത്. കൂതറ എന്ന ചിത്രത്തിലും അഭിനയിച്ചു.

സെവൻത് ഡേ, ഇത് താണ്ടാ പൊലീസ്, മാ ചു ക എന്നിവയാണ് ജനനിയുടെ മറ്റുചിത്രങ്ങൾ. ബിഗ് ബോസ് തമിഴ് സീസൺ 2വിൽ തേർഡ് റണ്ണറപ്പായും ജനനി തിളങ്ങി. കഴിഞ്ഞവർഷം ഏപ്രിലിൽ ആയിരുന്നു ജനനിയുടേയും സായിയുടേയും വിവാഹ നിശ്ചയം.

നടൻ സണ്ണി വെയ്ൻ, നടിമാരായ ഐശ്വര്യ രാജേഷ്, ഗായത്രി ശങ്കർ എന്നിവരുൾപ്പെടെ നിരവധി പേർ വധൂവരന്മാർക്ക് ആശംസയർപ്പിച്ചെത്തി. സിനിമയിലെത്തുംമുൻപ് 150 ലേറെ പരസ്യചിത്രങ്ങളിൽ വേഷമിട്ടിട്ടുണ്ട് ജനനി.