ആംബറിന്റെ ഇരട്ടക്കുട്ടികളുടെ അച്ഛന്‍ മസ്‌ക്കോ?

MAY 14, 2025, 1:46 AM

ഹോളിവുഡ് താരം ആംബർ ഹേർഡ് ഇരട്ടക്കുട്ടികളുടെ അമ്മയായ സന്തോഷവാർത്ത ഇൻസ്റ്റാഗ്രാമിലൂടെ ആരാധകരുമായി പങ്കുവെച്ചു. 2025 ലെ മാതൃദിനം തനിക്ക് ഒരിക്കലും മറക്കാനാവാത്ത ഒന്നായിരിക്കുമെന്നും വർഷങ്ങളായി താൻ കെട്ടിപ്പടുക്കാൻ ശ്രമിക്കുന്ന കുടുംബം പൂർണ്ണമാണെന്നും അവർ എഴുതി. നാല് ചെറിയ കാലുകളുടെ ചിത്രത്തോടൊപ്പമാണ് സന്തോഷവാർത്ത നടി പോസ്റ്റ് ചെയ്തത്.

ഇരട്ടക്കുട്ടികളില്‍ പെണ്‍കുട്ടിക്ക് ആഗ്നസ് എന്നും ആണ്‍കുട്ടിക്ക് ഓഷ്യന്‍ എന്നുമാണ് പേരിട്ടിരിക്കുന്നത്. നാല് വസയുള്ള ഒരു മകള്‍ കൂടി ആംബറിനുണ്ട്. ഊനാ എന്നാണ് ഈ കുഞ്ഞിന്റെ പേര്. മൂന്ന് കുഞ്ഞുങ്ങളുടേയും അമ്മയായത് സ്വന്തം ഇഷ്ടപ്രകാരമാണെന്നും ഈ യാത്രയില്‍ ഒറ്റയ്ക്കാണെന്നും അവര്‍ വ്യക്തമാക്കിയിരുന്നു.

നാല് വര്‍ഷം മുമ്പ് തന്റെ ആദ്യത്തെ കുഞ്ഞ് ജനിച്ചപ്പോള്‍ തന്റെ ലോകം എന്നെന്നേക്കുമായി മാറിയെന്നും അന്നത്തേക്കാള്‍ മൂന്നിരട്ടി സന്തോഷത്തിലാണ് ഇപ്പോഴുള്ളതെന്നും ആംബര്‍ ഇന്‍സ്റ്റഗ്രാമില്‍ കുറിച്ചു. അമ്മയാകാമെന്ന് സ്വയം തീരുമാനിച്ച് കുഞ്ഞിന് ജന്മം നല്‍കിയത് ജീവിതത്തിലെ ഏറ്റവും മനോഹരമായ അനുഭവമായി തോന്നുന്നുവെന്നും അവര്‍ പറയുന്നു.

എന്നാൽ കുട്ടികളുടെ പിതാവ് ആരാണെന്ന് അന്വേഷിക്കുകയാണ് സോഷ്യൽ മീഡിയ. കുട്ടികളുടെ പിതാവ് കോടീശ്വരനായ എലോൺ മസ്‌ക് ആണെന്ന് സോഷ്യൽ മീഡിയ പറയുന്നു, അദ്ദേഹം ഒരിക്കൽ ആമ്പറുമായി പ്രണയത്തിലായിരുന്നു. അവരുടെ ബന്ധത്തിനിടെ ബീജം ശീതീകരിച്ചതിനെച്ചൊല്ലി തർക്കങ്ങൾ ഉണ്ടായിരുന്നുവെന്നും മസ്‌ക് ആമ്പറിനെതിരെ നിയമപോരാട്ടം നടത്തിയിരുന്നുവെന്നും റിപ്പോർട്ടുകൾ അന്ന് പുറത്ത് വന്നിരുന്നു.

2022 ലെ ഒരു കേസിനിടെ, ആമ്പറിന്റെ സഹോദരി വിറ്റ്‌നിയുടെ അടുത്ത സുഹൃത്ത് ആമ്പറും മസ്‌കും ഒരുമിച്ച് കുട്ടികളുണ്ടാകാൻ പദ്ധതിയിട്ടിരുന്നതായി സത്യവാങ്മൂലത്തിൽ ഒപ്പിട്ടതായി റിപ്പോർട്ടുകൾ പറയുന്നു. എന്നാൽ പിന്നീട് മസ്‌ക് തീരുമാനത്തിൽ നിന്ന് പിന്മാറിയെങ്കിലും, ആംബർ അതിൽ ഉറച്ചുനിന്നുവെന്ന് ആംബറിന്റെ മുൻ സുഹൃത്തും നടിയും നിർമ്മാതാവുമായ ജെന്നിഫർ ഹോവൽ പറയുന്നു. ഇതെല്ലാം മസ്‌ക് കുട്ടികളുടെ പിതാവാണെന്ന അഭ്യൂഹങ്ങൾക്ക് ആക്കം കൂട്ടുകയാണ്.