ബ്രിട്ടീഷ് പ്രധാനമന്ത്രി ഋഷി സുനകിന്റെ ഭാര്യ അക്ഷത മൂര്‍ത്തിയുടെ വസ്ത്രത്തെ ട്രോളി സോഷ്യല്‍ മീഡിയ. ഡൗണിംഗ് സ്ട്രീറ്റിലെ പ്രധാനമന്ത്രിയുടെ ഓഫീസിന് മുന്നിൽ  ഋഷി  നടത്തിയ രാജി പ്രസംഗത്തിൽ  അക്ഷത ധരിച്ച  വസ്ത്രത്തെ ട്രോളുന്ന നിരവധി കമന്റുകൾ സോഷ്യൽ മീഡിയയിൽ വൈറലായിട്ടുണ്ട്.

'അക്ഷതാ മൂര്‍ത്തിയുടെ വസ്ത്രധാരണം നിങ്ങള്‍ക്ക് ഡിസ്‌നിലാന്‍ഡ് ഫാസ്റ്റ് പാസ് നല്‍കുന്ന ഒരു ക്യുആര്‍ കോഡ് കൂടിയാണ്' എന്ന് ഒരാള്‍ കമന്റ് ചെയ്തു.

'അക്ഷത മൂര്‍ത്തിയുടെ വസ്ത്രധാരണം ഒരു സ്റ്റീരിയോഗ്രാം ആണ്, നിങ്ങള്‍ കൂടുതല്‍ നേരം കണ്ണുരുട്ടി നോക്കിയാല്‍ കാലിഫോര്‍ണിയയിലേക്ക് ഒരു വിമാനം പുറപ്പെടുന്നത് കാണാം', മറ്റൊരാള്‍ പറഞ്ഞു. 

അക്ഷത മൂർത്തിയുടെ മിന്നുന്ന വസ്ത്രം അവർക്ക് ചേരുന്നില്ലെന്നും, ജര്‍മ്മന്‍ യു-ബോട്ടുകള്‍ക്ക് അവളുടെ റേഞ്ചും വേഗതയും ദിശയും കണ്ടെത്തുന്നത് ബുദ്ധിമുട്ടാക്കുന്നുവെന്നുമുള്ള രസകരമായ കമൻ്റുകളും പ്രത്യക്ഷപ്പെട്ടിട്ടുണ്ട്. 42000 രൂപയാണ് വസ്ത്രത്തിന്റെ വില.

കോടീശ്വരൻ ടെക് ഭീമനായ ഇൻഫോസിസ് സ്ഥാപകൻ നാരായണ മൂർത്തിയുടെ മകളാണ് ഭാര്യ അക്ഷത മൂർത്തി. സൺഡേ ടൈംസിൻ്റെ 2024-ലെ റിച്ച് ലിസ്റ്റ് പ്രകാരം 651 മില്യൺ പൗണ്ട് (815 മില്യൺ ഡോളർ) ആസ്തിയുള്ള ഈ ദമ്പതികൾ 10-ാം നമ്പർ ഡൗണിംഗ് സ്ട്രീറ്റിലെ ഏറ്റവും സമ്പന്നരായ താമസക്കാരാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്