കോട്ടയം മെഡിക്കൽ കോളേജിലെ കെട്ടിടഭാഗം തകർന്ന് വീണ സംഭവം; ചികിത്സയിലിരുന്ന അതിഥി തൊഴിലാളി മരിച്ചു

MARCH 4, 2026, 3:52 AM

കോട്ടയം: കോട്ടയം മെഡിക്കൽ കോളേജ് ആശുപത്രിയിൽ പഴയ കെട്ടിടഭാഗം തകർന്നുവീണ് പരിക്കേറ്റ് ചികിത്സയിലായിരുന്ന ഒഡീഷ സ്വദേശിയായ കബി നായിക് (40) മരിച്ചു. ജനുവരി 28-ന് നിർമ്മാണ പ്രവർത്തനങ്ങൾക്കിടെ പൊളിച്ചുമാറ്റിയ ശുചിമുറി കെട്ടിടത്തിന്റെ ബാക്കി നിന്നിരുന്ന സൺഷേഡ് സ്ലാബ് തകർന്നുവീണതാണ് അപകടത്തിന് കാരണമായത്. 36 ദിവസം ചികിത്സയിൽ തുടരവെയാണ് മരണം സംഭവിച്ചത്.

ഇതേ ആശുപത്രിയിലെ പഴയ കെട്ടിടഭാഗം തകർന്നുവീണ് ബിന്ദു എന്ന വീട്ടമ്മ മരിച്ച സംഭവത്തിന് സമീപത്തായിരുന്നു പുതിയ അപകടവും. പഴയ ബാത്ത്‌റൂം പൊളിച്ചുമാറ്റി പുതിയത് നിർമിക്കുന്നതിനിടെയാണ് സംഭവം ഉണ്ടായത്.

കഴിഞ്ഞ ജൂലൈ മൂന്നിനാണ് കെട്ടിടഭാഗം തകർന്നുവീണ് തലയോലപ്പറമ്പ് സ്വദേശിനിയായ ബിന്ദു മരിച്ചത്. മകൾ നവമിയുടെ ചികിത്സക്കായി ആശുപത്രിയിൽ എത്തിയിരിക്കെ, കുളിക്കാനായി ശുചിമുറിയിൽ പ്രവേശിച്ച സമയത്തായിരുന്നു അപകടം. സംഭവങ്ങളുമായി ബന്ധപ്പെട്ട് അധികൃതർ അന്വേഷണം നടത്തുകയാണ്.