പട്‌ന: ഓപ്പറേഷന്‍ സിന്ദൂര്‍ ഇന്ത്യയുടെ ആവനാഴിയിലെ ഒരു അമ്പ് മാത്രമാണെന്നും ഭീകരതയ്‌ക്കെതിരായ യുദ്ധം അവസാനിച്ചിട്ടില്ലെന്നും പ്രധാനമന്ത്രി നരേന്ദ്ര മോദി വെള്ളിയാഴ്ച പാകിസ്ഥാന് മുന്നറിയിപ്പ് നല്‍കി.

'ഓപ്പറേഷന്റെ സിന്ദൂറിന്റെ ശക്തി ശത്രുക്കള്‍ കണ്ടിട്ടുണ്ട്, ഇത് നമ്മുടെ ആവനാഴിയിലെ ഒരു അമ്പ് മാത്രമാണെന്ന് അവര്‍ മനസ്സിലാക്കണം,' ബിഹാറിലെ കാരക്കാട്ടില്‍ ഒരു പരിപാടിയെ അഭിസംബോധന ചെയ്യവെ മോദി പറഞ്ഞു. ഭീകരതയ്‌ക്കെതിരായ ഇന്ത്യയുടെ പോരാട്ടം നിര്‍ത്തുകയോ തടസപ്പെടുകയോ ചെയ്തിട്ടില്ലെന്നും മോദി പറഞ്ഞു. 

ഭീകരതയെ വിഷസര്‍പ്പത്തോട് ഉപമിച്ച മോദി, 'ഇനിയും തല ഉയര്‍ത്തിയാല്‍ അതിനെ മാളത്തില്‍ നിന്ന് വലിച്ചിറക്കി ചവിട്ടി മെതിക്കും,' എന്ന് മുന്നറിയിപ്പ് നല്‍കി. 

ബിഹാര്‍ തലസ്ഥാനമായ പട്‌നയില്‍ നിന്ന് 140 കിലോമീറ്റര്‍ അകലെയുള്ള കാരക്കാട്ടില്‍ 50,000 കോടി രൂപയുടെ വികസന പദ്ധതികള്‍ ഉദ്ഘാടനം ചെയ്ത ശേഷം നടന്ന റാലിയെ അഭിസംബോധന ചെയ്യുകയായിരുന്നു പ്രധാനമന്ത്രി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്