ലക്‌നൗ: ജസ്റ്റിസ് യശ്വന്ത് വര്‍മ്മയെ സ്ഥലംമാറ്റിയതായി സുപ്രീം കോടതി വിജ്ഞാപനം പുറപ്പെടുവിച്ചതിന് മണിക്കൂറുകള്‍ക്ക് ശേഷം, അലഹബാദ് ഹൈക്കോടതി ബാര്‍ അസോസിയേഷന്‍ മാര്‍ച്ച് 25 മുതല്‍ അനിശ്ചിതകാല പണിമുടക്ക് പ്രഖ്യാപിച്ചു.

'ജസ്റ്റിസ് യശ്വന്ത് വര്‍മ്മയെ അലഹബാദ് ഹൈക്കോടതിയിലേക്ക് സ്ഥലംമാറ്റിയതിനെ തുടര്‍ന്ന് ചൊവ്വാഴ്ച മുതല്‍ അലഹബാദ് ഹൈക്കോടതി ബാര്‍ അസോസിയേഷന്റെ അഭിഭാഷകര്‍ അനിശ്ചിതകാല പണിമുടക്ക് ആരംഭിക്കും,' ബാര്‍ അസോസിയേഷന്‍ പ്രസിഡന്റ് അനില്‍ തിവാരി പറഞ്ഞു.

ജസ്റ്റിസ് യശ്വന്ത് വര്‍മ്മയെ അദ്ദേഹത്തിന്റെ മാതൃ കോടതിയായ അലഹബാദ് ഹൈക്കോടതിയിലേക്ക് മാറ്റാന്‍ ശുപാര്‍ശ ചെയ്യാനുള്ള തീരുമാനം സുപ്രീം കോടതി കൊളീജിയം തിങ്കളാഴ്ചയാണ് സ്ഥിരീകരിച്ചത്. 

തീപിടുത്തത്തിനിടെ ദേശീയ തലസ്ഥാനത്തെ ഔദ്യോഗിക വസതിയില്‍ നിന്ന് കണക്കില്‍ പെടാത്ത പണം കണ്ടെത്തിയെന്ന ആരോപണത്തില്‍ ജസ്റ്റിസ് വര്‍മ്മ അന്വേഷണം നേരിടുകയാണ്. സംഭവസമയത്ത് അദ്ദേഹം വീട്ടിലുണ്ടായിരുന്നില്ല.

ജസ്റ്റിസ് വര്‍മ്മയെ രാജ്യത്തെ ഏതെങ്കിലും ബെഞ്ചിലേക്ക് മാറ്റുന്നതിനെ അസോസിയേഷന്‍ എതിര്‍ക്കുന്നുവെന്ന് തിവാരി പറഞ്ഞു. 'ജസ്റ്റിസ് യശ്വന്ത് വര്‍മ്മയെ അലഹബാദ് ഹൈക്കോടതിയിലേക്കോ അതിന്റെ ലഖ്നൗ ബെഞ്ചിലേക്കോ മറ്റേതെങ്കിലും ഹൈക്കോടതിയിലേക്കോ മാറ്റുന്നതിനെ ഹൈക്കോടതി ബാര്‍ അസോസിയേഷന്‍ എതിര്‍ക്കുന്നു,' അദ്ദേഹം പറഞ്ഞു. നീതിന്യായ വ്യവസ്ഥയിലുള്ള ജനങ്ങളുടെ വിശ്വാസം പുനഃസ്ഥാപിക്കുന്നതിനായി ജസ്റ്റിസ് വര്‍മ്മയുടെ വിധിന്യായങ്ങള്‍ പുനഃപരിശോധിക്കണമെന്ന് അദ്ദേഹം ആവശ്യപ്പെട്ടു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്