ന്യൂസിലൻഡിനെതിരെ നടക്കാനിരിക്കുന്ന ഏകദിന പരമ്പരയിൽ നിന്ന് സ്റ്റാർ പേസർ ജസ്പ്രിത് ബുമ്രയ്ക്കും ഓൾറൗണ്ടർ ഹാർദിക് പാണ്ഡ്യയ്ക്കും ഇന്ത്യൻ ക്രിക്കറ്റ് ബോർഡ് വിശ്രമം അനുവദിക്കും എന്ന് റിപ്പോർട്ട്. 2026ൽ നടക്കാനിരിക്കുന്ന ടി20 ലോകകപ്പിന് മുന്നോടിയായി താരങ്ങളുടെ ജോലിഭാരം കുറയ്ക്കുന്നതിനും കായികക്ഷമത ഉറപ്പാക്കുന്നതിനുമാണ് ഈ നിർണ്ണായക തീരുമാനം.

അടുത്ത വർഷം ഫെബ്രുവരിയിൽ ഇന്ത്യയിലും ശ്രീലങ്കയിലുമായി നടക്കുന്ന ലോകകപ്പിൽ ടീമിലെ പ്രധാന താരങ്ങളെ പൂർണ്ണ ഫോമിൽ ലഭ്യമാക്കുക എന്ന ലക്ഷ്യത്തോടെയാണ് ബി.സി.സി.ഐ നീക്കം. പ്രധാന താരങ്ങളുടെ അഭാവം യുവതാരങ്ങൾക്ക് തങ്ങളുടെ കഴിവ് തെളിയിക്കാനും ടീമിൽ സ്ഥാനം ഉറപ്പിക്കാനും വലിയ അവസരമൊരുക്കും.

ജനുവരി 11ന് ആരംഭിക്കുന്ന ഏകദിന പരമ്പരയ്ക്ക് ശേഷം നടക്കുന്ന ടി20 മത്സരങ്ങളിൽ ഇരുവരും ടീമിൽ തിരിച്ചെത്തുമെന്നാണ് റിപ്പോർട്ടുകൾ സൂചിപ്പിക്കുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്