മികച്ച ഫോം തുടരുന്ന നെയ്മറിന്റെ മികവിൽ സാന്റോസ് റെഡ് ബുൾ ബ്രാഗാന്റിനോയ്‌ക്കെതിരെ ക്വാർട്ടർ ഫൈനലിൽ 2-0ന്റെ വിജയം നേടി പോളിസ്റ്റ സെമിഫൈനലിൽ എത്തി. ബ്രസീൽ താരം ഒരു തകർപ്പൻ ഫ്രീകിക്കിലൂടെ ആണ് സാന്റോസിന് ലീഡ് നൽകിയത്. ഷമിറ്റ് രണ്ടാം ഗോളിലൂടെ വിജയവും ഉറപ്പിച്ചു.

അൽ ഹിലാലിൽ നിന്ന് നെയ്മർ സാന്റോസിൽ എത്തിയത് മുതൽ മികച്ച ഫോമിലാണ്. നെയ്മറിന്റെ തിരിച്ചുവരവിന് ശേഷം സാന്റോസ് അപരാജിതരായി തുടരുകയാണ്. 6 സ്റ്റാർട്ടിൽ നിന്ന് 3 ഗോളുകളും 3 അസിസ്റ്റുകളും, 4 മാൻ ഓഫ് ദ മാച്ച് അവാർഡുകളും നെയ്മർ സാന്റോസിൽ സ്വന്തമാക്കി.

പോളിസ്റ്റ ഗ്രൂപ്പ് ഘട്ടത്തിൽ തങ്ങളുടെ ഗ്രൂപ്പിൽ ഒന്നാമതെത്തി സാന്റോസ് ഇതിനകം തങ്ങളുടെ കരുത്ത് തെളിയിച്ചിരുന്നു. കൊറിന്ത്യസ്, പാൽമേറാസ് എന്നിവരും സെമിഫൈനലിൽ എത്തി. ഇനി ഒരു ക്വാർട്ടർ പോരാട്ടം കൂടിയാണ് ബാക്കിയുള്ളത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്