അമേരിക്കൻ ഫുട്ബോളിന്റെ ആവേശം വാനോളം ഉയർത്തിക്കൊണ്ട് റയൽ മാഡ്രിഡ് സൂപ്പർ താരങ്ങളായ കിലിയൻ എംബാപ്പെയെയും വിനീഷ്യസ് ജൂനിയറെയും ലീഗിലെത്തിക്കാൻ താൽപ്പര്യമുണ്ടെന്ന് എംഎൽഎസ് കമ്മീഷണർ ഡോൺ ഗാർബർ. ലോകത്തെ മികച്ച താരങ്ങൾ അമേരിക്കയിൽ കളിക്കാൻ ആഗ്രഹിക്കുന്നുണ്ടെന്നും ഇത് ലീഗിന്റെ ഭാവി മാറ്റിവരയ്ക്കുമെന്നും സിഎൻഎൻ സ്പോർട്സിന് നൽകിയ അഭിമുഖത്തിൽ അദ്ദേഹം പറഞ്ഞു.
ലിയോണൽ മെസ്സിയുടെ വരവ് അമേരിക്കൻ ഫുട്ബോളിന്റെ മുഖച്ഛായ മാറ്റിയെന്ന് ഗാർബർ നിരീക്ഷിച്ചു. മെസ്സിയെ ടീമിലെത്തിക്കാൻ കഴിയുമെന്ന് ആരും കരുതിയിരുന്നില്ലെന്നും എന്നാൽ ഇന്ന് അദ്ദേഹം എംഎൽഎസിന്റെ അഭിമാനമായി മാറിയിരിക്കുകയാണെന്നും അദ്ദേഹം കൂട്ടിച്ചേർത്തു.
വരും വർഷങ്ങളിൽ പ്രീമിയർ ലീഗ്, സീരി എ തുടങ്ങിയ യൂറോപ്യൻ ലീഗുകളോട് മത്സരിക്കാൻ എംഎൽഎസിനെ പ്രാപ്തമാക്കുകയാണ് ലക്ഷ്യം. കരിയറിന്റെ ഉന്നതിയിൽ നിൽക്കുന്ന ഒരു ലോകോത്തര താരം ഉടൻ തന്നെ ലീഗിലെത്തുമെന്ന് തനിക്ക് ഉറപ്പുണ്ടെന്നും ഗാർബർ ആത്മവിശ്വാസം പ്രകടിപ്പിച്ചു.
ഇപ്പോൾ ലോകത്തെ പ്രധാന ലീഗുകളിൽ ഒന്നായി എംഎൽഎസ് മാറിക്കഴിഞ്ഞുവെന്നും ഡേവിഡ് ബെക്കാമിനെപ്പോലെയുള്ള ഉടമകൾ ലീഗിന്റെ വളർച്ചയ്ക്ക് വലിയ പങ്കുവഹിക്കുന്നുണ്ടെന്നും ഗാർബർ വ്യക്തമാക്കി.
അതേസമയം എംഎൽഎസിന്റെ 31-ാം സീസണിന് ശനിയാഴ്ച ആവേശകരമായ തുടക്കമാകും. ഉദ്ഘാടന മത്സരത്തിൽ നിലവിലെ ചാമ്പ്യന്മാരായ ഇന്റർ മയാമി ലോസ് ഏഞ്ചൽസ് എഫ്സിയെ (LAFC) നേരിടും. ടോട്ടനം വിട്ട് ലീഗിലെത്തിയ ദക്ഷിണ കൊറിയൻ സൂപ്പർ താരം സൺ ഹ്യൂങ്-മിൻ ലോസ് ഏഞ്ചൽസിനായി തന്റെ ആദ്യ മുഴുവൻ സീസൺ കളിക്കാനിറങ്ങുന്നു എന്ന പ്രത്യേകതയും ഈ മത്സരത്തിനുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
