വരാനിരിക്കുന്ന ആഷസ് പരമ്പരയ്ക്കായി ഇംഗ്ലണ്ട് ക്രിക്കറ്റ് ടീമിന്റെ ബാറ്റിംഗ് പരിശീലകനായി ചേരുന്നതിനെക്കുറിച്ച് ആലോചിച്ച് ഓസ്ട്രേലിയൻ മുൻ ടെസ്റ്റ് താരം മൈക്ക് ഹസി.
ഇംഗ്ലണ്ടിന്റെ പുതിയ ടെസ്റ്റ് കോച്ചായ സ്റ്റീഫൻ ഫ്ളെമിംഗ് ഹസിയുമായി ഈ വിഷയത്തിൽ ചർച്ചകൾ നടത്തിയിരുന്നു. ചെന്നൈ സൂപ്പർ കിങ്സിലെ ദീർഘകാലത്തെ സൗഹൃദത്തിന് ശേഷമാണ് ഇരുവരും ക്രിക്കറ്റിലെ ഏറ്റവും വലിയ പോരാട്ടമായ ആഷസ് പരമ്പരയിൽ ഒന്നിച്ച് പ്രവർത്തിക്കാൻ ഒരുങ്ങുന്നത്.
ആഷസ് പരമ്പരയിൽ ഇംഗ്ലീഷ് ടീമിനൊപ്പം ചേരുന്നതിനെക്കുറിച്ച് ഉടനടി 'ഇല്ല' എന്ന് പറയാൻ ആഗ്രഹിക്കുന്നില്ലെന്ന് മൈക്ക് ഹസി വ്യക്തമാക്കി. ഏത് രാജ്യത്തെ താരങ്ങളെയും പരിശീലിപ്പിക്കാൻ താൻ തയ്യാറാണെന്നും പരിശീലനരംഗം ഏറെ ഇഷ്ടപ്പെടുന്നുണ്ടെന്നും അദ്ദേഹം പറഞ്ഞു. ഓസ്ട്രേലിയക്കെതിരെയുള്ള ആഷസ് പരമ്പരയിൽ ഇംഗ്ലണ്ടിനായി കോച്ചായി പ്രവർത്തിക്കുക എന്നത് അൽപം വിചിത്രമായി തോന്നാമെങ്കിലും, താൻ എതിർ ടീമിനെതിരെ അല്ല മറിച്ച് താൻ ഒപ്പം നിൽക്കുന്ന ടീമിന് വേണ്ടിയാണ് പരിശീലനം നൽകുന്നതെന്ന് ഹസി വ്യക്തമാക്കി.
ഈ വിഷയത്തിൽ തിടുക്കപ്പെട്ട് തീരുമാനമെടുക്കില്ലെന്നും കുടുംബത്തോടൊപ്പം ചെലവഴിക്കേണ്ട സമയത്തിന് വലിയ പ്രാധാന്യമുണ്ടെന്നും അദ്ദേഹം പറഞ്ഞു. അതേസമയം സ്റ്റീഫൻ ഫ്ളെമിംഗുമായുള്ള ദീർഘകാലത്തെ സൗഹൃദം ഈ തീരുമാനത്തെ സ്വാധീനിച്ചേക്കാം. ബ്രണ്ടൻ മെക്കല്ലത്തിന്റെ പടിയിറക്കത്തിന് ശേഷം ചുമതലയേറ്റ ഫ്ളെമിംഗ് ഇംഗ്ലണ്ട് ടീമിന്റെ ആക്രമണോത്സുകമായ ശൈലി നിലനിർത്തുമെന്നും എന്നാൽ കൂടുതൽ കൃത്യതയും ബോധപൂർവ്വമായ സമീപനവും അതിൽ കൊണ്ടുവരുമെന്നും ഹസി വിലയിരുത്തി.
അടുത്ത വർഷം ജൂൺ മുതൽ ആഗസ്റ്റ് വരെയാണ് ഇംഗ്ലണ്ടിൽ ആഷസ് പരമ്പര നടക്കുന്നത്. 2015ന് ശേഷം ആഷസ് കപ്പ് തിരിച്ചുപിടിക്കുക എന്ന ലക്ഷ്യത്തോടെയാണ് ഇംഗ്ലണ്ട് ഇറങ്ങുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260821034920.jpg)
-20260819095303.jpg)
-20260819095128.jpg)
-20260819094953.jpg)
