ലയണൽ മെസ്സി പരിക്കിൽ നിന്ന് ഗംഭീര തിരിച്ചുവരവ് നടത്തിയ മത്സരത്തിൽ ആദ്യ പകുതിയിൽ രണ്ട് ഗോളുകൾ നേടി ഇന്റർ മയാമി ഫിലാഡൽഫിയ യൂണിയനെ 3-1 ന് പരാജയപ്പെടുത്തി. മൂന്ന് മാസത്തിലേറെയായി കളിക്കളത്തിൽ നിന്ന് വിട്ടുനിന്ന മെസ്സി 26, 30 മിനിറ്റുകളിൽ ലൂയിസ് സുവാരസിന്റെയും ജോർഡി ആൽബയുടെയും അസിസ്റ്റിലാണ് ഗോൾ നേടിയത്.

കളി തുടങ്ങി 59 സെക്കൻഡിനുള്ളിൽ ഫിലാഡൽഫിയ സ്‌കോറിംഗ് തുറന്നു, എന്നാൽ സീസണിലെ തന്റെ 13-ാം MLS ഗോൾ നേടി മെസ്സി പെട്ടെന്ന് സമനില പിടിച്ചു. നിമിഷങ്ങൾക്കകം, മയാമിക്ക് ലീഡ് നൽകാനും അദ്ദേഹത്തിന് സാധിച്ചു.

98-ാം മിനിറ്റിൽ മെസ്സിയുടെ 15-ാം അസിസ്റ്റിൽ സുവാരസ് ഗോൾ നേടിയതോടെ മയാമി വിജയം ഉറപ്പിച്ചു. ഇന്റർ മയാമിക്ക് വേണ്ടി മെസ്സിക്ക് ഇപ്പോൾ 14 ഗോളുകൾ ഉണ്ട്, ലീഗ് ലീഡർ ക്രിസ്റ്റ്യൻ ബെന്റേക്കിന് അഞ്ച് ഗോളുകൾ പിറകിലാണ് മെസ്സി ഇപ്പോൾ, അദ്ദേഹത്തെക്കാൾ 12 മത്സരങ്ങൾ കുറവാണ് മെസ്സി കളിച്ചത്.

കോപ്പ അമേരിക്ക ഫൈനലിനിടെ കണങ്കാലിന് പരിക്കേറ്റ് പുറത്തായ മെസ്സിയുടെ ജൂൺ ഒന്നിന് ശേഷമുള്ള ഇന്റർ മയാമിക്ക് വേണ്ടിയുള്ള ആദ്യ മത്സരമായിരുന്നു ഇത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്