ഝാർഖണ്ഡിന്റെ ആദ്യ ഇന്നിങ്‌സ് 587ൽ അവസാനിച്ചു. ക്യാപ്ടൻ വിരാട് സിങ്ങിന്റെയും ശിഖർ മോഹന്റെയും ആദിത്യ സിങ്ങിന്റെയും സെഞ്ച്വറികളാണ് ഝാർഖണ്ഡിന് മികച്ച സ്‌കോർ സമ്മാനിച്ചത്. കേരളത്തിന് വേണ്ടി വൈശാഖ് ചന്ദ്രൻ അഞ്ച് വിക്കറ്റ് വീഴ്ത്തി.
അഞ്ച് വിക്കറ്റ് നഷ്ടത്തിൽ 289 റൺസെന്ന നിലയിലാണ് ഝാർഖണ്ഡ് രണ്ടാം ദിവസം ബാറ്റിങ് തുടങ്ങിയത്. കരുതലോടെ ഇന്നിങ്‌സ് മുന്നോട്ടു നീക്കിയ ക്യാപ്ടൻ വിരാട് സിങ്ങും ആദിത്യ സിങ്ങും ചേർന്ന് 80 റൺസ് മാത്രമാണ് ആദ്യ സെഷനിൽ കൂട്ടിച്ചേർത്തത്. കേരള ക്യാപ്ടൻ വിഷ്ണു വിനോദ് ബൗളർമാരെ മാറിമാറി പരീക്ഷിച്ചെങ്കിലും ഫലമുണ്ടായില്ല. ചായയ്ക്ക് പിരിയും മുൻപ് ആദിത്യയും മൂന്നാം സെഷന്റെ തുടക്കത്തിൽ തന്നെ വിരാട് സിങ്ങും തങ്ങളുടെ സെഞ്ച്വറികൾ പൂർത്തിയാക്കി.
സ്‌കോർ 506ൽ നിൽക്കെ വിരാട് സിങ്ങിനെ സച്ചിൻ ബേബിയുടെ കൈകളിലെത്തിച്ച് വൈശാഖ് ചന്ദ്രനാണ് ഈ കൂട്ടുകെട്ടിന് അവസാനമിട്ടത്. ഈ ക്യാച്ചോടെ സച്ചിൻ ബേബി ഫസ്റ്റ് ക്ലാസ് ക്രിക്കറ്റിൽ നൂറ് ക്യാച്ചുകളെന്ന അപൂർവ്വ നേട്ടവും സ്വന്തമാക്കി. 263 പന്തുകളിൽ ഒൻപത് ബൗണ്ടറികളടക്കം 108 റൺസാണ് വിരാട് നേടിയത്. വൈകാതെ ആദിത്യ സർവാടെയുടെ പന്തിൽ ക്ലീൻ ബൗൾഡായി ആദിത്യ സിങ്ങും മടങ്ങി.
279 പന്തുകളിൽ 17 ബൗണ്ടറികളടക്കം 147 റൺസാണ് ആദിത്യ നേടിയത്. തുടർന്നെത്തിയ സാഹിൽ രാജ് 19 ഉം, മനീഷി 20 ഉം, സുശാന്ത് മിത്ര 18 ഉം റൺസെടുത്ത് പുറത്തായി. കേരളത്തിന് വേണ്ടി വൈശാഖ് ചന്ദ്രൻ അഞ്ചും ജലജ് സക്‌സേന മൂന്നും ആദിത്യ സർവാടെ രണ്ടും വിക്കറ്റുകൾ വീഴ്ത്തി.
ഒന്നാം ഇന്നിംഗ്‌സ് തുടങ്ങിയ കേരളം ഉച്ചഭക്ഷണ സമയത്ത് ഒരു വിക്കറ്റ് നഷ്ടത്തിൽ 128 റൺസ് നേടിയിട്ടുണ്ട്. 44 റൺസെടുത്ത റോബൻ കുന്നുമ്മേലാണ് പുറത്തായത്. അഭിഷേക് നായർ (71), സച്ചിൻ ബേബി (11) റൺസുമെടുത്ത് പുറത്താകാതെ നിൽക്കുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20261011083138.jpg)
