ചിത്രീകരണത്തിനിടെ പരിക്ക്; സിനിമയിൽ നിന്ന് ഇടവേളയെടുത്ത് വിക്കി കൗശൽ

FEBRUARY 8, 2024, 4:03 PM

ഷൂട്ടിങ്ങിനിടെ ബോളിവുഡ് താരം വിക്കി കൗശലിന് പരിക്കേറ്റെന്ന വാർത്ത സോഷ്യൽ മീഡിയയിൽ ചർച്ചയായിരുന്നു. ഛാവ എന്ന സിനിമയുടെ ആക്ഷൻ സീക്വൻസ് ചിത്രീകരിക്കുന്നതിനിടെയാണ് അപകടം. വീഴ്ചയിൽ നടൻ്റെ ഇടത് കൈക്ക് പൊട്ടലുണ്ടായി, പ്ലാസ്റ്ററിടേണ്ടിയും വന്നു.

കൈയ്ക്കുണ്ടായ പരിക്കിനെ തുടർന്ന് വിക്കി കൗശൽ ഷൂട്ടിങ്ങിൽ നിന്ന് ഇടവേളയെടുത്തിരിക്കുകയാണ്. അടുത്ത രണ്ടാഴ്ചയ്ക്കുള്ളിൽ ഭേദമാകുമെന്നും അതിന് ശേഷം വിക്കിയുടെ ഭാഗം ഷൂട്ടിങ് പു:നരാരംഭിക്കുമെന്നുമാണ് റിപ്പോർട്ട്.

ഛത്രപതി ശിവാജി മഹാരാജിൻ്റെ മകൻ ഛത്രപതി സംഭാജി മഹാരാജിൻ്റെ ജീവിതത്തെ ആസ്പദമാക്കിയുള്ളതാണ് ഛാവ. സംഭാജി മഹാരാജായാണ് വിക്കി കൗശൽ അഭിനയിക്കുന്നത്.