നടി റാഷി ഖന്നയുടെ കാരവാനിൽ മോഷണം; ജീവനക്കാരനെ കൈയോടെ പിടികൂടി

APRIL 17, 2026, 10:36 PM

നടി റാഷി ഖന്നയുടെ കാരവാനിൽ മോഷണം. കാരവാൻ ജീവനക്കാരനെ അണിയറപ്രവർത്തകർ കൈയോടെ പിടികൂടി. നടിയുടെ ഹാൻഡ് ബാഗിൽനിന്ന് 50,000 രൂപയാണ് ഇയാൾ മോഷ്ടിച്ചതെന്ന് ഹിന്ദുസ്ഥാൻ ടൈംസ് റിപ്പോർട്ട് ചെയ്തു.

സംശയത്തെത്തുടർന്ന് നടത്തിയ പരിശോധനയിൽ വാനിറ്റി വാനിലെ ഒരു ജീവനക്കാരനാണ് പണം കവർന്നതെന്ന് കണ്ടെത്തുകയായിരുന്നു. കുറ്റം തെളിഞ്ഞതോടെ ഇയാളെ സെറ്റിലെ സുരക്ഷാ ഉദ്യോഗസ്ഥർ കൈകാര്യം ചെയ്യുകയും പിന്നീട് പുറത്താക്കുകയും ചെയ്തതായി ഹിന്ദുസ്ഥാൻ ടൈംസ് റിപ്പോർട്ട് ചെയ്തു.

സിനിമാ മേഖലയ്ക്ക് തന്നെ നാണക്കേടുണ്ടാക്കുന്ന സംഭവമാണിതെന്ന് അണിയറപ്രവർത്തകർ പ്രതികരിച്ചു. നിലവിൽ അനീസ് ബസ്മി സംവിധാനം ചെയ്യുന്ന അക്ഷയ് കുമാർ ചിത്രത്തിലും, 'ഫർസി 2', 'ലൂഖെ' തുടങ്ങിയ വെബ് സീരീസുകളിലും റാഷി അഭിനയിക്കുന്നുണ്ട്. പവൻ കല്യാണിനൊപ്പമുള്ള 'ഉസ്താദ് ഭഗത് സിംഗ്' ആണ് റാഷിയുടേതായി അവസാനമായി പുറത്തിറങ്ങിയ ചിത്രം