അമേരിക്കൻ വാരാന്ത്യ ബോക്സ് ഓഫീസിൽ ഈ ആഴ്ച നേട്ടമുണ്ടാക്കിയ സിനിമകളും വീണു പോയ സിനിമകളും ഏതൊക്കെയെന്ന് നോക്കാം. ആനിമേറ്റഡ് സിനിമയായ ‘ചെയിൻസോ മാൻ: ദ മൂവി’ മികച്ച തുടക്കമാണ് ബോസ്സ് ഓഫീസിൽ നേടിയത് എന്നാണ് ലഭിക്കുന്ന വിവരം. ആദ്യ വാരാന്ത്യത്തിൽ മാത്രം സിനിമ 8.5 മില്യൺ ഡോളറിലധികം സമാഹരിച്ചു കൊണ്ട് ബോക്സ് ഓഫീസിൽ ഒന്നാം സ്ഥാനത്തെത്തി എന്നാണ് കണക്കുകൾ വ്യക്തമാക്കുന്നത്.

പ്രശസ്തമായ ജാപ്പനീസ് കോമിക് ബുക്ക് ആസ്പദമാക്കിയ ഈ ചിത്രം ആരാധകരുടെ വലിയ പ്രതീക്ഷയോടെയാണ് ഇറങ്ങിയത്, അതും പ്രത്യേകിച്ച് ആക്ഷൻ ആനിമേഷൻ പ്രേമികൾ ഇരുകയ്യും നീട്ടിയാണ് ചിത്രത്തെ സ്വീകരിച്ചത്. പ്രധാന നഗരങ്ങളിലെയും പ്രത്യേക ആനിമേ തിയേറ്റർ റിലീസുകളിലെയും ഹൗസ്‌ഫുൾ ഷോകളാണ് കളക്ഷൻ ഉയരാൻ പ്രധാനമായും കാരണമായത്.

അതേസമയം, യുവതാരങ്ങളായ എമ്മ കാറി, ലിയം ബ്രൂക്സ് എന്നിവർ അഭിനയിച്ച ‘റെഗ്രെറ്റിങ് യൂ’ ബോക്സ് ഓഫീസിൽ പ്രതീക്ഷിച്ച പ്രകടനം കാഴ്ചവെച്ചില്ല. വെറും 3.1 മില്യൺ ഡോളർ മാത്രമാണ് സിനിമ നേടിയത് എന്നാണ് കണക്കുകൾ പറയുന്നത്. നിരൂപകരിൽ നിന്ന് സമിശ്രപ്രതികരണങ്ങൾ ലഭിച്ചതും പ്രേക്ഷകർ സിനിമയോട് അത്ര താൽപ്പര്യമില്ലായ്മ കാണിച്ചതുമാണ് ചിത്രത്തിന്റെ മുഴുവൻ കളക്ഷനെ ബാധിച്ചത്.

മറ്റു പ്രധാന ചിത്രങ്ങളുടെ കാര്യമെടുത്താൽ ‘വേനോം: ദ ലാസ്റ്റ് സ്റ്റാൻഡ്’ മൂന്നാം സ്ഥാനത്തും, ‘ഇൻസൈഡ് ഔട്ട് 2’ നാലാം സ്ഥാനത്തും തുടരുന്നു. വാരാന്ത്യ ബോക്സ് ഓഫീസ് റിപ്പോർട്ടുകൾ പ്രകാരം, ഹാലോവീൻ സീസണിനോടനുബന്ധിച്ച് ഹൊറർ-ആക്ഷൻ വിഭാഗത്തിലുള്ള ചിത്രങ്ങളാണ് പ്രേക്ഷകരുടെ കൂടുതൽ ശ്രദ്ധ നേടുന്നത് എന്നാണ് റിപ്പോർട്ടുകൾ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്