'കുടുംബം ഒരു പ്രയാസകരമായ ഘട്ടത്തിലൂടെയാണ് കടന്നുപോകുന്നത്'; വിവാഹ മോചന വാർത്തയിൽ പ്രതികരിച്ചു റഹ്മാന്റെ മക്കൾ

NOVEMBER 20, 2024, 1:27 PM

ചെന്നൈ: വരുന്ന മാർച്ചിൽ മുപ്പതാം വിവാഹ വാർഷികം ആഘോഷിക്കാനിരിക്കെ ആണ് എആർ റഹ്മാനും ഭാര്യ സൈറയും ചൊവ്വാഴ്ച വിവാഹമോചനം പ്രഖ്യാപിച്ചത്. ഈ വാർത്ത സിനിമ ലോകത്തെയും ആരാധകരെയും അക്ഷരാർത്ഥത്തിൽ ഞെട്ടിച്ചിരുന്നു.

ഇപ്പോൾ എആര്‍ റഹ്മാന്‍റെ മക്കള്‍ സംഭവത്തില്‍ പ്രതികരണവുമായി രംഗത്ത് എത്തിയിരിക്കുകയാണ്. കുടുംബം ഒരു പ്രയാസകരമായ ഘട്ടത്തിലൂടെയാണ് കടന്നുപോകുന്നതെന്നും എല്ലാവരും ഇപ്പോഴത്തെ അവസ്ഥ സംബന്ധിച്ച് ധാരണ ഉണ്ടായിരിക്കണമെന്നും ആണ് മക്കൾ അഭ്യർത്ഥിച്ചത്.

“ഈ വിഷയം അങ്ങേയറ്റം സ്വകാര്യതയോടും ബഹുമാനത്തോടും കൂടി കൈകാര്യം ചെയ്യാൻ കഴിയുമെങ്കിൽ ഞാൻ അത് വളരെയധികം നന്ദിയുള്ളവളായിരിക്കും. നിങ്ങളുടെ പരിഗണനയ്ക്ക് നന്ദി.” എന്നാണ് സോഷ്യൽ മീഡിയയിലൂടെ മക്കൾ പ്രതികരിച്ചത്.