സ്വന്തം ശബ്ദവും ചിത്രവും ട്രേഡ്‌മാർക്ക് ചെയ്യാൻ ടെയ്‌ലർ സ്വിഫ്റ്റ്

APRIL 28, 2026, 9:52 PM

നിർമ്മിത ബുദ്ധി (AI) സൃഷ്ടിക്കുന്ന വെല്ലുവിളികളിൽ നിന്നും തന്റെ വ്യക്തിത്വവും ശബ്ദവും സംരക്ഷിക്കുന്നതിനായി പ്രമുഖ അമേരിക്കൻ ഗായിക ടെയ്‌ലർ സ്വിഫ്റ്റ് പുതിയ നീക്കങ്ങളുമായി രംഗത്ത്.

തന്റെ രണ്ട് ശബ്ദ ക്ലിപ്പുകൾക്കും ഒരു ചിത്രത്തിനും ട്രേഡ്‌മാർക്ക് സംരക്ഷണം നൽകണമെന്ന് ആവശ്യപ്പെട്ടാണ് സ്വിഫ്റ്റ് അപേക്ഷ നൽകിയിരിക്കുന്നത്.

കഴിഞ്ഞ വെള്ളിയാഴ്ചയാണ് യുണൈറ്റഡ് സ്റ്റേറ്റ്‌സ് പേറ്റന്റ് ആൻഡ് ട്രേഡ്‌മാർക്ക് ഓഫീസിൽ (USPTO) സ്വിഫ്റ്റിന്റെ ഉടമസ്ഥതയിലുള്ള 'TAS റൈറ്റ്‌സ് മാനേജ്‌മെന്റ്' അപേക്ഷകൾ സമർപ്പിച്ചത്. സാധാരണയായി ബ്രാൻഡ് പേരുകൾക്കും ലോഗോകൾക്കുമാണ് ട്രേഡ്‌മാർക്ക് എടുക്കാറുള്ളതെങ്കിലും, 'സൗണ്ട് മാർക്ക്' (Sound marks) എന്ന വിഭാഗത്തിലാണ് സ്വിഫ്റ്റ് അപേക്ഷ നൽകിയിരിക്കുന്നത്.

ഇത് അല്പം അപൂർവ്വമായ സംരക്ഷണ രീതിയാണ്. ആമസോൺ മ്യൂസിക്, സ്‌പോട്ടിഫൈ എന്നിവയെക്കുറിച്ച് സ്വിഫ്റ്റ് സംസാരിക്കുന്ന രണ്ട് ഓഡിയോ ക്ലിപ്പുകളാണ് ഇതിൽ ഉൾപ്പെടുന്നത്. തന്റെ പുതിയ ആൽബമായ 'The Life of a Showgirl'-നെ കുറിച്ച് സ്വിഫ്റ്റ് സംസാരിക്കുന്നതാണ് ഈ രേഖകൾ. കൂടാതെ, തന്റെ പ്രശസ്തമായ 'ഇറാസ് ടൂർ' പ്രകടനത്തിനിടയിലുള്ള, പിങ്ക് ഗിറ്റാർ പിടിച്ചുനിൽക്കുന്ന ഒരു ചിത്രത്തിനും താരം സംരക്ഷണം തേടിയിട്ടുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്