‘ആ ദിവസങ്ങളിൽ ഞാൻ ശരീരവുമായി പോരാട്ടമാണ്’; ശ്രുതി ഹാസൻ

MAY 1, 2024, 12:25 PM

സോഷ്യൽ മീഡിയയിൽ എന്നും സജീവമായ നടിയാണ് ശ്രുതി ഹാസൻ. സിനിമ മേഖലയിലെ പ്രശ്നങ്ങളെക്കുറിച്ച് തുറന്ന് പറയുന്നതിൽ നടി ഒരിക്കലും ഒഴിഞ്ഞു മാറാറില്ല. അടുത്തിടെ ഒരു ഓൺലൈൻ മാധ്യമത്തിന് നൽകിയ അഭിമുഖത്തിൽ ആർത്തവ സമയത്തെ സെറ്റിലെ അനുഭവങ്ങളെക്കുറിച്ച് ശ്രുതി വാചാലയായി.

"ആ സമയങ്ങളിൽ ഞാൻ വല്ലാത്തൊരു ഡിസ്കംഫോർട്ട് പോലെയാണ് അനുഭവിക്കുന്നത്. നൃത്തം ചെയ്യുമ്പോഴും സ്റ്റണ്ടുകൾ ചെയ്യുമ്പോഴും ഒരു അഭിനേതാവെന്ന നിലയിൽ വളരെ ബുദ്ധിമുട്ടാണ്. എല്ലാം നടിമാരും അക്ഷരാർത്ഥത്തിൽ ആ ദിവസങ്ങളിൽ ശരീരവുമായി പോരാടുകയാണ്- ശ്രുതി പറഞ്ഞു.

സുഖകരമായ ആർത്തവം ഉള്ള ഒരുപാട് സ്ത്രീകളുണ്ട്, എന്നാൽ അങ്ങനെ സംഭവിക്കാത്ത ഒരുപാട് പേരുണ്ട്. ഞങ്ങൾ നായികമാർക്കും ഈ ദിവസങ്ങളിൽ ഇഷ്ടമുള്ള പലതും കഴിക്കാനും അൽപ്പം കരയാനുമൊക്കെ ആഗ്രഹമുണ്ട്, അത് ശരിക്കും വേദനാജനകമാണ്." ശ്രുതി കൂട്ടിച്ചേർത്തു.