സോഷ്യൽ മീഡിയയിൽ റീൽ കണ്ട് പ്രണയത്തിലായി; എണ്‍പതുകാരനെ വിവാഹം ചെയ്തു 34കാരി

APRIL 4, 2024, 2:23 PM

എണ്‍പതുകാരനുമായി പ്രണയത്തിലായി അയാളെ വിവാഹം കഴിച്ചു 34കാരി. ഞെട്ടണ്ട, സംഭവം സത്യമാണ്.സോഷ്യല്‍ മീഡിയ വഴിയാണ് ഇവർ തമ്മിൽ പരിചയപ്പെട്ടത് എന്നാണ് പുറത്തു വരുന്ന വിവരം.

മധ്യപ്രദേശിലെ അഗര്‍ മാല്‍വ ജില്ലയിലാണ് സംഭവം ഉണ്ടായത്. മഹാരാഷ്ട്രയില്‍ നിന്നുള്ള ഷീലയും(34) മധ്യപ്രദേശിലെ മഗാരിയ ഗ്രാമത്തില്‍ നിന്നുള്ള ബാലുറാമും ആണ് പ്രണയിച്ചു വിവാഹം കഴിച്ചത്. സോഷ്യല്‍ മിഡിയയില്‍ സജീവമായിരുന്ന ബാലുറാം ഇന്‍സ്റ്റഗ്രാം റീലുകള്‍ ചെയ്യാറുണ്ടായിരുന്നു. തമാശ റീലുകളായിരുന്നു അവയിൽ ഭൂരിഭാഗവും. ഇതില്‍ ആകൃഷ്ടയായ ഷീല ഇന്‍സ്റ്റഗ്രാം വഴി ബാലുറാമുമായി പരിചയപ്പെട്ടു. ഇത് പ്രണയത്തിലേക്കെത്തുകയായിരുന്നു

ബാലുറാമിന് ഒരു മകനും മൂന്ന് പെണ്‍മക്കളുമുണ്ട്. ഓരോരുത്തരും വിവാഹിതരായി ഇപ്പോള്‍ വെവ്വേറെയാണ് താമസിക്കുന്നത്. ഭാര്യ മരിച്ചു. തമാശകള്‍ ചെയ്ത് റീലിലൂടെ ബാലുറാം നിരവധി ഫോളേവേഴ്‌സിനെ നേടി. പ്രണയം തുടങ്ങിയതോടെ ഷീല വീടുവിട്ടിറങ്ങി വന്നാണ് ബാലുവിനെ വിവാഹം കഴിച്ചത്. ആദ്യം വിവാഹം രജിസ്റ്റര്‍ ചെയ്യുകയും പിന്നീട് ക്ഷേത്രത്തില്‍ വച്ച് ആചാരപ്രകാരവും വിവാഹിതരായി.