പ്രാണപ്രതിഷ്ഠ ചടങ്ങില്‍ പങ്കെടുക്കാന്‍ ക്ഷണമുണ്ടായിട്ടും പങ്കെടുക്കാതെ മോഹൻലാൽ; കാരണം ഇതാണ്

JANUARY 22, 2024, 4:05 PM

അയോധ്യയിലെ രാമക്ഷേത്ര പ്രാണപ്രതിഷ്ഠ ചടങ്ങില്‍ പങ്കെടുക്കാന്‍ ക്ഷണമുണ്ടായിട്ടും മലയാളത്തിന്റെ സൂപ്പര്‍താരം മോഹന്‍ലാല്‍ പോകാതിരുന്നത് എന്തുകൊണ്ട് എന്നാണ് ഇപ്പോൾ ചർച്ചയാവുന്ന ചോദ്യം. ഇതിന്റെ ഉത്തരം ആണ് ഇപ്പോൾ പുറത്തു വന്നിരിക്കുന്നത്.

മോഹന്‍ലാലിനെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്യുന്ന മലൈക്കോട്ടൈ വാലിബന്‍ ജനുവരി 25 വ്യാഴാഴ്ച റിലീസ് ചെയ്യുകയാണ്. ഈ സിനിമയുടെ പ്രൊമോഷന്റെ തിരക്കിലാണ് ലാല്‍ ഇപ്പോള്‍ എന്നാണ് പുറത്തു വരുന്ന റിപ്പോർട്ട്. ഇക്കാരണത്താലാണ് പ്രാണപ്രതിഷ്ഠ ചടങ്ങില്‍ പങ്കെടുക്കാന്‍ മോഹന്‍ലാല്‍ അയോധ്യയിലേക്ക് പോകാതിരുന്നത്.

അമിതാഭ് ബച്ചന്‍, രജനികാന്ത്, ധനുഷ്, ചിരഞ്ജീവി, ജാക്കി ഷറോഫ്, ആലിയ ഭട്ട്, രണ്‍ബീര്‍ കപൂര്‍, കത്രീന കൈഫ്, രാംചരണ്‍ തുടങ്ങി നിരവധി പ്രമുഖര്‍ പ്രാണപ്രതിഷ്ഠ ചടങ്ങില്‍ പങ്കെടുത്തു. മോഹൻലാലും ചടങ്ങിൽ പങ്കെടുക്കും എന്നായിരുന്നു ആദ്യം പുറത്തു വന്ന വിവരം. പിന്നീട് ആണ് താരം പങ്കെടുക്കാത്തത് ചർച്ച ആയത്.