പിന്നണി ഗാനരംഗത്ത് നിന്ന് വിരമിക്കല് പ്രഖ്യാപിച്ച് പ്രശസ്ത ബോളിവുഡ് ഗായകന് അര്ജിത് സിംഗ്. തന്റെ 38-ാം വയസ്സിലാണ് ചലച്ചിത്ര പിന്നണി ഗായകന് എന്ന നിലയിലുള്ള കരിയര് താന് അവസാനിപ്പിക്കുകയാണെന്ന് ഗായകനും സംഗീത സംവിധായകനും ഉപകരണ സംഗീത വാദകനുമായ അര്ജിത് സിംഗ് പ്രഖ്യാപിച്ചിരിക്കുന്നത്.
ബോളിവുഡിലെ യുവ തലമുറ ഗായകരില് ഏറ്റവും ശ്രദ്ധേയനായ അര്ജിത് കരിയറിലെ ഏറ്റവും മികച്ച സമയത്താണ് പിന്നണി ഗാനാലാപനത്തില് നിന്നുള്ള വിരമിക്കല് പ്രഖ്യാപിച്ചിരിക്കുന്നത്. ഇന്സ്റ്റഗ്രാം പോസ്റ്റിലൂടെ നടത്തിയ പ്രഖ്യാപനം സംഗീത ലോകത്തെയും ആരാധകരെയും ഒരേപോലെ ഞെട്ടിച്ചിരിക്കുകയാണ്. വര്ഷങ്ങളായി തനിക്ക് നല്കിയ പിന്തുണയ്ക്കും സ്നേഹത്തിനും ആസ്വാദകര്ക്ക് നന്ദിയും അറിയിച്ചു. പിന്നണി ഗായകനായുള്ള കാലത്തെ ജീവിതത്തിന്റെ ഒരു മനോഹരഘട്ടം എന്ന് വിശേഷിപ്പിച്ചുകൊണ്ടാണ് അതില് നിന്നുള്ള പിന്മാറ്റം അര്ജിത് സിംഗ് അറിയിച്ചിരിക്കുന്നത്. ഒരു പതിറ്റാണ്ടില് ഏറെയായി ബോളിവുഡ് സംഗീത ശാഖയെ നിര്വ്വചിച്ച ശബ്ദങ്ങളില് ഒന്നായിരുന്നു അര്ജിത് സിംഗിന്റേത്.
ഇത് പിന്നണി ഗാനരംഗത്തുനിന്ന് മാത്രമുള്ള പിന്മാറ്റമാണെന്നും സംഗീത മേഖലയില് താന് തുടരുമെന്നും അദ്ദേഹം വ്യക്തമാക്കിയിട്ടുണ്ട്. ഒരു ഇന്ഡിപെന്ഡന്റ് ആര്ട്ടിസ്റ്റ് എന്ന നിലയില് കൂടുതല് പഠിക്കാനും ഈണങ്ങള് സൃഷ്ടിക്കാനുമാണ് താന് ആഗ്രഹിക്കുന്നത്. ഇതിനകം കമ്മിറ്റ് ചെയ്തിട്ടുള്ള ഗാനങ്ങളെല്ലാം പൂര്ത്തിയാക്കുമെന്നും അതില് പലതും വരും മാസങ്ങളില് ആസ്വാദകര്ക്ക് മുന്നിലേക്ക് എത്തുമെന്നും അര്ജിത് സിംഗ് അറിയിച്ചിട്ടുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
-20201013040751.jpeg)
-20201113033756.jpg)
-20260317054527.jfif)
-20201113034034.jpg)
-20260314122911.jfif)
1-20260316090949.jpg)
