മലയാളികളുടെ പ്രിയപ്പെട്ട ചിത്രങ്ങളിൽ ഒന്നാണ് ദൃശ്യം. ദൃശ്യം 2വും വൻ ഹിറ്റായിരുന്നു. ഇനി ദൃശ്യം 3നായുള്ള കാത്തിരിപ്പിലാണ് മോഹൻലാൽ ആരാധകർ. ഇപ്പോഴിതാ ചിത്രം ഏപ്രിലിൽ തിയേറ്ററുകളിൽ എത്തുമെന്ന റിപ്പോർട്ട് ആണ് ലഭിക്കുന്നത്. സംവിധായകൻ ജിത്തു ജോസഫ് തന്നെയാണ് ഇക്കാര്യം അറിയിച്ചത്. 

രാജഗിരി ആശുപത്രിയിൽ ആരംഭിച്ച സെന്റർ ഫോ‌ർ അഡ്വാൻ്ഡ് യൂറോ - ഓങ്കോളജിയുടെ ഉദ്ഘാടന വേദിയിലായിരുന്നു സംവിധായകന്റെ വെളിപ്പെടുത്തൽ. 'ദൃശ്യം ഒരുപാട് ആളുകളെ സ്വാധീനിച്ച സിനിമയാണ്. അതിന്റെ തന്നെ വലിയ ഭാരം ഉള്ളിലുണ്ട്. അതുകൊണ്ട് വലിയ പ്രതീക്ഷകളൊന്നുമില്ലാതെ ഏപ്രിൽ ആദ്യവാരം ചിത്രം തിയേറ്ററിൽ കാണാം. അതിന്റെ ഔദ്യോഗിക റിലീസ് പ്രഖ്യാപനം ഉടനുണ്ടാകും' എന്നാണ് ജിത്തു ജോസഫ് വ്യക്തമാക്കിയത്.

ജിത്തു ജോസഫ് തിരക്കഥ എഴുതി സംവിധാനം ചെയ്‌ത ചിത്രത്തിൽ ജോർജുകുട്ടിയായ മോഹൻലാലിന് പുറമേ മീന, അൻസിബ ഹസൻ, എസ്‌തർ അനിൽ, ആശാ ശരത്, ഇർഷാദ്, റോഷൻ ബഷീർ, അനീഷ് ജി മേനോൻ, കുഞ്ചൻ, കോഴിക്കോട് നാരായണൻ നായർ, പി ശ്രീകുമാർ, ശോഭ മോഹൻ, കലാഭവൻ റഹ്‌മാൻ, കലാഭവൻ ഹനീഫ്, ബാലാജി ശർമ, സോണി ജി സോളമൻ, പ്രദീപ് ചന്ദ്രൻ, അരുൺ എസ്, ആന്റണി പെരുമ്പാവൂർ തുടങ്ങിയവർ വേഷമിട്ടിരുന്നു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്