പ്രഭാസും ദിഷാ പഠാനിയും പ്രണയത്തിൽ ? ചര്‍ച്ചയായി നടിയുടെ പുതിയ ടാറ്റൂ

JULY 3, 2024, 12:32 PM

നടൻ പ്രഭാസും ബോളിവുഡ് താരം ദിഷാ പഠാനിയും ഡേറ്റിംഗിലെന്ന് അഭ്യൂഹം. കല്‍ക്കി 2898 AD എന്ന ചിത്രത്തില്‍ ഇരുവരും ഒരുമിച്ച്‌ അഭിനയിച്ചിരുന്നു. ഇപ്പോൾ ഇരുവരും ഡേറ്റിങ്ങിൽ ആണ് എന്നാണ് പാപ്പരാസികളുടെ നിഗമനം.

ദിഷയുടെ ഇടതു കൈയില്‍ PD എന്ന ടാറ്റൂ കണ്ടതിനെ തുടർന്നാണ് ഇത്തരം അഭ്യൂഹങ്ങള്‍ പ്രചരിക്കാൻ തുടങ്ങിയത്. P എന്നത് കൊണ്ട് അർത്ഥമാക്കുന്നത് പ്രഭാസിനെയെന്നാണ് നെറ്റിസണ്‍സിന്റെ വാദം. ഇതിന്റെ ചുവട് പിടിച്ചാണ് ടോളിവുഡ‍ിലെയും ബോളിവുഡിലെയും പുതിയ ചർച്ച പുരോഗമിക്കുന്നത്.

നേരത്തെ ദിഷാ പഠാനി ടൈഗർ ഷ്രോഫുമായി ഡേറ്റിംഗിലായിരുന്നെങ്കിലും അടുത്തിടെ വേർപിരിഞ്ഞിരുന്നു. അതേസമയം ഇരുവരും പ്രണയത്തിൽ ആയിരുന്നെന്നോ പിരിഞ്ഞെന്നോ താരങ്ങൾ സ്ഥിരീകരിച്ചിരുന്നില്ല.