ന്യൂഡെല്‍ഹി: എഎപി രാജ്യസഭാ എംപി സ്വാതി മലിവാളിനെ ആക്രമിച്ച കേസില്‍ അറസ്റ്റിലായ ഡെല്‍ഹി മുഖ്യമന്ത്രി അരവിന്ദ് കെജ്രിവാളിന്റെ സഹായി ബിഭാവ് കുമാറിന് സുപ്രീം കോടതി തിങ്കളാഴ്ച ജാമ്യം അനുവദിച്ചു. ജസ്റ്റിസുമാരായ സൂര്യകാന്ത്, ഉജ്ജല്‍ ഭൂയാന്‍ എന്നിവരടങ്ങിയ ബെഞ്ചാണ് കുമാറിന്റെ ജാമ്യാപേക്ഷയും അറസ്റ്റിനെ ചോദ്യം ചെയ്തുള്ള ഹര്‍ജിയും പരിഗണിച്ചത്.

ബിഭാവ് കുമാര്‍ 100 ദിവസത്തോളം ജുഡീഷ്യല്‍ കസ്റ്റഡിയിലായിരുന്നുവെന്നും കുറ്റപത്രം സമര്‍പ്പിച്ചിട്ടുണ്ടെന്നും വാദം കേള്‍ക്കുന്നതിനിടെ ജസ്റ്റിസ് ഭുയാന്‍ ചൂണ്ടിക്കാട്ടി.

'പരിക്ക് ലളിതമാണ്. ഇത് ജാമ്യം നല്‍കാവുന്ന കേസാണ്. നിങ്ങള്‍ എതിര്‍ക്കരുത്. അത്തരമൊരു കേസില്‍ നിങ്ങള്‍ക്ക് ഒരാളെ ജയിലില്‍ അടയ്ക്കാന്‍ കഴിയില്ല,' ജസ്റ്റിസ് ഭൂയാന്‍ പറഞ്ഞു.

ചില സുപ്രധാന സാക്ഷികള്‍ ബിഭാവ് കുമാറിന്റെ സ്വാധീനത്തിലാണെന്നും അവരെ വിസ്തരിക്കണമെന്നും ഡല്‍ഹി പോലീസിന് വേണ്ടി ഹാജരായ അഡീഷണല്‍ സോളിസിറ്റര്‍ ജനറല്‍ എസ്വി രാജു പറഞ്ഞു.

മെയ് 13 ന് മുഖ്യമന്ത്രിയുടെ വസതിയില്‍ വച്ച് ബിഭാവ് കുമാര്‍ തന്നെ ആക്രമിച്ചതായി സ്വാതി മലിവാള്‍ ആരോപിച്ചിരുന്നു. എയിംസ് പുറത്തുവിട്ട മെഡിക്കല്‍ റിപ്പോര്‍ട്ടില്‍ മുഖത്തും കാലിലും ചതവുകള്‍ കണ്ടെത്തിയെന്ന് വ്യക്തമാക്കി. 

ഇന്ത്യന്‍ ശിക്ഷാ നിയമത്തിലെ (ഐപിസി) 308, 341, 354 ബി, 506 വകുപ്പുകള്‍ പ്രകാരം കേസെടുത്തതിന് ശേഷം മെയ് 18 ന് ബിഭാവ് കുമാറിനെ ഡെല്‍ഹി പോലീസ് അറസ്റ്റ് ചെയ്തു. കഴിഞ്ഞ മാസം ഡെല്‍ഹി കോടതി കുമാറിന്റെ ജുഡീഷ്യല്‍ കസ്റ്റഡി സെപ്റ്റംബര്‍ 13 വരെ നീട്ടിയിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്