വേനൽ ചൂട് കനക്കുന്നു: ഡാമുകളിൽ ജലനിരപ്പ് താഴ്ന്നു, വൈദ്യുതി പ്രതിസന്ധിക്ക് സാധ്യത

APRIL 24, 2026, 12:35 AM

ഇടുക്കി: വേനൽ ചൂട് ശക്തമായതോടെ സംസ്ഥാനത്തെ ഡാമുകളിലെ ജലനിരപ്പ് ആശങ്കാജനകമായി താഴ്ന്നതായി റിപ്പോർട്ട്. പല അണക്കെട്ടുകളിലേക്കും നീരൊഴുക്ക് കുറഞ്ഞ നിലയിലാണ്.

ഇതിനിടെ വേനൽ മഴയും തെക്കുപടിഞ്ഞാറൻ മൺസൂൺ മഴയും കുറയാനിടയുണ്ടെന്ന റിപ്പോർട്ടുകൾ പുറത്ത് വരുന്നത് സ്ഥിതി കൂടുതൽ ഗുരുതരമാക്കുന്നു. ജലനിരപ്പ് കുറയുന്നത് വൈദ്യുതി ഉൽപ്പാദനത്തെ ബാധിച്ച് വൈദ്യുതി പ്രതിസന്ധിയിലേക്ക് നയിക്കാമെന്ന ആശങ്ക ഉയരുകയാണ്.

പ്രത്യേകിച്ച് ഇടുക്കി അണക്കെട്ട് ഇപ്പോൾ 2335 അടിവെള്ളം മാത്രമാണ് ഉള്ളത്. ആകെ സംഭരണ ശേഷിയുടെ ഏകദേശം 35 ശതമാനം മാത്രമാണ് നിലവിൽ നിലനിൽക്കുന്നത്. മുൻകാലങ്ങളെ അപേക്ഷിച്ച് ഏകദേശം പത്ത് അടിയോളം ജലനിരപ്പ് കുറഞ്ഞതായി കണക്കുകൾ സൂചിപ്പിക്കുന്നു.

ഡാമിലേക്ക് ഒഴുകിയെത്തുന്ന ജലത്തിന്റെ അളവ് കുറഞ്ഞതും, ചൂട് കൂടിയതോടെ ജലം വേഗത്തിൽ ബാഷ്പീകരിക്കുന്നതും ഈ ഇടിവിന് കാരണമാണ്. ഇപ്പോൾ ശരാശരി 10 മുതൽ 11 മില്യൺ യൂണിറ്റ് വരെ മാത്രമാണ് വൈദ്യുതി ഉൽപ്പാദനം നടക്കുന്നത്. ഉപഭോഗം കൂടുന്ന സാഹചര്യത്തിൽ ഇത് മതിയാകാതെ വരാനിടയുണ്ടെന്നും വിദഗ്ധർ മുന്നറിയിപ്പ് നൽകുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്