കണ്ണൂർ: നിപയോ കോവിഡോ പോലുള്ള പകർച്ചവ്യാധികൾ ഏത് സർക്കാർ ഭരിക്കുന്നുവെന്ന് നോക്കിയല്ല വരുന്നതെന്ന് മുൻ ആരോഗ്യമന്ത്രി കെ.കെ. ശൈലജ. എന്നാൽ അത്തരം സാഹചര്യങ്ങളെ ഫലപ്രദമായി നേരിടുകയും ജനങ്ങളുടെ സുരക്ഷ ഉറപ്പാക്കുകയും ചെയ്യുന്നത് ഭരണാധികാരികളുടെ ഉത്തരവാദിത്തമാണെന്നും അവർ വ്യക്തമാക്കി.
കണ്ണൂരിൽ മാധ്യമങ്ങളോട് സംസാരിക്കുകയായിരുന്നു ശൈലജ. പകർച്ചവ്യാധികൾ രാഷ്ട്രീയ സാഹചര്യം കണക്കിലെടുത്തല്ല ഉണ്ടാകുന്നതെന്നും, അവയെ പ്രതിരോധിക്കാൻ കൃത്യമായ ആരോഗ്യ സംവിധാനങ്ങളും ഭരണപരമായ ഇടപെടലുകളും അനിവാര്യമാണെന്നും അവർ പറഞ്ഞു.
തിരഞ്ഞെടുപ്പിന് ശേഷമുള്ള സംഘടനാ വിലയിരുത്തൽ പാർട്ടികളിൽ സാധാരണ നടപടിക്രമമാണെന്നും സിപിഐഎമ്മിൽ നടക്കുന്ന ചർച്ചകളെക്കുറിച്ച് മാധ്യമങ്ങളിൽ പ്രചരിക്കുന്ന പല വിവരങ്ങളും വസ്തുതാവിരുദ്ധമാണെന്നും ശൈലജ പറഞ്ഞു. പാർട്ടിക്കുള്ളിൽ വിശദമായ ചർച്ചകൾ നടക്കുമെന്നും അതിന്റെ അടിസ്ഥാനത്തിൽ ആവശ്യമായ തീരുമാനങ്ങളും നടപടികളും സ്വീകരിക്കുമെന്നും അവർ കൂട്ടിച്ചേർത്തു.
തിരഞ്ഞെടുപ്പ് കാലയളവിൽ ഉൾപ്പെടെ നടന്ന വ്യക്തിഹത്യാ ശ്രമങ്ങളെയും വ്യാജ പ്രചാരണങ്ങളെയും കുറിച്ച് സമഗ്രമായ അന്വേഷണം നടത്തേണ്ടതുണ്ടെന്നും ശൈലജ അഭിപ്രായപ്പെട്ടു. പൊതുജീവിതത്തിൽ ഇത്തരം പ്രചാരണങ്ങൾ ജനാധിപത്യത്തിന് ഗുണകരമല്ലെന്നും അവർ ചൂണ്ടിക്കാട്ടി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260611101721.jpg)
-20260130064601.jpg)
-20251006034105.jpg)
1-20260322042905.jpg)
1-20260611083039.jpg)
1-20260611082208.jpg)
