ന്യൂഡൽഹി:  താൻ സജീവ രാഷ്‌ട്രീയത്തിലേക്ക് വരണമെന്ന് രാജ്യം മുഴുവൻ ആഗ്രഹിക്കുന്നുവെന്ന് കോണ്‍ഗ്രസ് നേതാവ് പ്രിയങ്ക വാദ്രയുടെ ഭർത്താവും വ്യവസായിയുമായ റോബർട്ട് വദ്ര.

"രാജ്യത്തെ ജനങ്ങൾ എപ്പോഴും ഞാൻ സജീവ രാഷ്ട്രീയത്തിലേക്ക് വരാൻ ആഗ്രഹിക്കുന്നു. ആളുകൾ എപ്പോഴും ഞാൻ അവരുടെ പ്രദേശത്ത് ഉണ്ടായിരിക്കണമെന്ന് ആഗ്രഹിക്കുന്നു.

1999 മുതൽ ഞാൻ അമേഠിയിൽ പ്രചാരണം നടത്തി. സിറ്റിംഗ് എംപിയായ സ്മൃതി ഇറാനി തൻ്റെ വാഗ്ദാനങ്ങൾ പാലിച്ചിട്ടില്ല,”- അമേഠി ലോക്‌സഭാ സീറ്റിൽ മത്സരിക്കുമോയെന്ന ചോദ്യത്തിന് വദ്ര  പറഞ്ഞു.

ലോക്‌സഭാ തെരഞ്ഞെടുപ്പിൻ്റെ രണ്ട് ഘട്ടങ്ങൾ പൂർത്തിയായപ്പോൾ കോൺഗ്രസ് ബിജെപിയെക്കാൾ മുന്നിലാണെന്ന് റോബർട്ട് വാദ്ര പറഞ്ഞു.  ജനങ്ങൾ മാറ്റം ആഗ്രഹിക്കുന്നു.കേന്ദ്ര ഏജൻസികളെ ദുരുപയോഗം ചെയ്യുന്ന ബിജെപിയെ തുരത്താൻ അവർ ആഗ്രഹിക്കുന്നു. രാഹുലും പ്രിയങ്കയും നടത്തുന്ന കഠിനാധ്വാനം കണ്ട് ഇന്ത്യയിലെ ജനങ്ങൾ ഗാന്ധി കുടുംബത്തിനൊപ്പമാണ്," അദ്ദേഹം അവകാശപ്പെട്ടു.

നേരത്തെ, അമേഠിയിലെ ഗൗരിഗഞ്ച് ഏരിയയിലെ പാർട്ടി ഓഫീസിന് പുറത്ത് റോബർട്ട് വദ്രയുടെ ചിത്രമുള്ള പോസ്റ്ററുകള്‍ പ്രത്യക്ഷപ്പെട്ടിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്