നാഗ്പൂര്‍: മാര്‍ച്ച് 17 ന് നഗരത്തില്‍ പൊട്ടിപ്പുറപ്പെട്ട വര്‍ഗീയ സംഘര്‍ഷങ്ങളുടെ സൂത്രധാരന്‍ ഫാഹിം ഷമീം ഖാന്‍ എന്ന 38 കാരനെന്ന് നാഗ്പൂര്‍ പൊലീസ്. സംഘര്‍ഷത്തിന് പിന്നാലെ ഒളിവില്‍ പോയ ഇയാളുടെ ചിത്രം നാഗ്പൂര്‍ പോലീസ് ബുധനാഴ്ച പുറത്തുവിട്ടു. 

സംഘര്‍ഷം പൊട്ടിപ്പുറപ്പെടുന്നതിന് തൊട്ടുമുമ്പ് ഫാഹിം ഖാന്‍ പ്രകോപനപരമായ പ്രസംഗം നടത്തിയതായി പ്രാഥമിക അന്വേഷണത്തില്‍ സൂചന ലഭിച്ചു. പ്രദേശത്ത് വര്‍ഗീയ സംഘര്‍ഷത്തിന് കാരണമായതായും ഇത് അക്രമത്തിന് കാരണമായതായും പോലീസ് ഉദ്യോഗസ്ഥര്‍ പറഞ്ഞു. 

2024 ലെ ലോക്സഭാ തിരഞ്ഞെടുപ്പില്‍ നാഗ്പൂര്‍ നിയോജകമണ്ഡലത്തില്‍ നിന്ന് മൈനോറിറ്റീസ് ഡെമോക്രാറ്റിക് പാര്‍ട്ടിയെ പ്രതിനിധീകരിച്ച് മല്‍സരിച്ച വ്യക്തിയാണ് ഫാഹിം ഖാന്‍. മുതിര്‍ന്ന ബിജെപി നേതാവും കേന്ദ്രമന്ത്രിയുമായ നിതിന്‍ ഗഡ്കരിക്കെതിരെ മത്സരിച്ചെങ്കിലും 6.5 ലക്ഷത്തിലധികം വോട്ടുകള്‍ക്ക് പരാജയപ്പെട്ടിരുന്നു. 

നാഗ്പൂരിലെ യശോധര നഗറിലെ സഞ്ജയ് ബാഗ് കോളനിയിലെ താമസക്കാരനായ ഫാഹിം ഖാന്‍ എംഡിപിയുടെ സിറ്റി പ്രസിഡന്റാണ്. വര്‍ഗീയ സംഘര്‍ഷങ്ങളുമായി ബന്ധപ്പെട്ട് ഫയല്‍ ചെയ്ത എഫ്ഐആറില്‍ അദ്ദേഹത്തിന്റെ പേര് ഔദ്യോഗികമായി ഉള്‍പ്പെടുത്തിയിട്ടുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്