ഹൈദരബാദ്: മുന് വൈഎസ്ആര്സിപി സര്ക്കാരിന്റെ കാലത്ത് തിരുപ്പതി ക്ഷേത്രത്തില് ലഡു നിര്മാണത്തിനായി ഗുണനിലവാരമില്ലാത്ത ചേരുവകളും മൃഗക്കൊഴുപ്പും ഉപയോഗിച്ചുവെന്ന ആരോപണവുമായി ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു രംഗത്ത്.
ലഡുനിര്മിക്കാന് നെയ്യിന് പകരം മൃഗക്കൊഴുപ്പാണ് ഉപയോഗിച്ചതെന്നാണ് നായിഡുവിന്റെ ആരോപണം. അമരാവതിയില് നടന്ന എന്ഡിഎ നിയമസഭാ കക്ഷി യോഗത്തില് സംസാരിക്കവെ ആണ് നായിഡു ഇക്കാര്യം പറഞ്ഞത്. ശുദ്ധമായ നെയ്യാണ് ഇപ്പോള് ഉപയോഗിക്കുന്നതെന്നും ക്ഷേത്രത്തില് എല്ലാം അണുവിമുക്തമാക്കിയെന്നും ഗുണനിലവാരം മെച്ചപ്പെടുത്തിയെന്നും നായിഡു കൂട്ടിച്ചേര്ത്തു.
അതേസമയം മുഖ്യമന്ത്രിയുടെ ആരോപണം വൈഎസ്ആര് കോണ്ഗ്രസ് നിഷേധിച്ചു. എന് ചന്ദ്രബാബു നായിഡുവിന്റെ ആരോപണത്തിന് പിന്നാലെ ആന്ധ്രപ്രദേശ് ഐടി മന്ത്രി നാരാ ലോകേഷും വിഷയത്തില് ജഗന് മോഹന് റെഡ്ഡി സര്ക്കാരിനെതിരെ രംഗത്തെത്തി.
അതേസമയം, നായിഡുവിന്റെ ആരോപണം ദുരുദ്ദേശ്യപരമാണെന്നും രാഷ്ട്രീയനേട്ടത്തിനായി മുഖ്യമന്ത്രി ഏത് തലത്തിലേക്കും തരംതാഴുമെന്നും വൈഎസ്ആര്സിപി നേതാവ് സുബ്ബ റെഡ്ഡി പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്