പൊതുവെ നെറ്റ്സിൽ ബൗളർ  ജസ്പ്രീത് ബുംറ എല്ലാവരുടെയും പേടിസ്വപ്‌നമാണ്. ബുംറയുടെ വേഗത, പന്ത് ഇരുവശത്തേക്കും സ്വിംഗ് ചെയ്യാനുള്ള കഴിവ്, ലെഗ് ബ്രേക്കിംഗ് യോർക്കറുകൾ എന്നിവയാണ് ഇതിന് കാരണം. എന്നാൽ ഇതേ ചോദ്യം ഇന്ത്യൻ താരം കെഎൽ രാഹുലിനോട് ചോദിച്ചാൽ, രാഹുലിന്റെ ഉത്തരം മറ്റൊരു ബൗളറുടെ പേരായിരുന്നു.

നെറ്റ്സിൽ പോലും നേരിടാൻ ഇഷ്ടപ്പെടാത്ത ബൗളർ ആരാണെന്ന് ചോദിച്ചപ്പോൾ, രാഹുലിന്റെ ഉത്തരം തന്റെ സഹതാരം മുഹമ്മദ് ഷമിയുടെ എന്നായിരുന്നു. ഇഎസ്പിഎൻ ക്രിസിൻഫോയിലെ 25 ചോദ്യങ്ങൾക്കുള്ള ഉത്തരത്തിൽ രാഹുൽ ഇത് വ്യക്തമാക്കി. ഐപിഎല്ലിൽ ഷമിക്കെതിരെ രാഹുലിന് മികച്ച റെക്കോർഡില്ല. മൂന്ന് സീസണുകളിൽ ഷമിയെ നേരിട്ട രാഹുൽ 28 പന്തിൽ നിന്ന് 31 റൺസ് മാത്രമേ നേടിയിട്ടുള്ളൂ, രണ്ട് തവണ പുറത്തായി.

എന്നാല്‍ ഉറക്കമില്ലാത്ത രാത്രികള്‍ സമ്മാനിച്ച ബൗളര്‍ ആരാണെന്ന ചോദ്യത്തിന് അഫ്ഗാന്‍ സ്പിന്നര്‍ റാഷിദ് ഖാന്‍റെ പേരാണ് രാഹുല്‍ പറഞ്ഞത്. രാജ്യാന്തര മത്സരങ്ങളില്‍ നാലു തവണ മാത്രമാണ് രാഹുലും റാഷിദും നേര്‍ക്കുനേര്‍വന്നത്. ഇതില്‍ ഒരു തവണ രാഹുലിനെ റാഷിദ് പുറത്താക്കി.

ടി20 ക്രിക്കറ്റില്‍ റാഷിദിനെതിരെ 47 പന്തുകള്‍ നേരിട്ടിട്ടുള്ള രാഹുലിന് 40 റണ്‍സെ നേടാനായിട്ടുള്ളു. മൂന്ന് തവണ പുറത്താകുകയും ചെയ്തു. തന്‍റെ ടി20 ടീമില്‍ ഉള്‍പ്പെടുത്താന്‍ ആഗ്രഹിക്കുന്ന താരങ്ങള്‍ ആരൊക്കെയാണെന്ന ചോദ്യത്തിന് ജസ്പ്രീത് ബുമ്രയുടെയും  സൂര്യകുമാര്‍ യാദവിന്‍റെയും നിക്കോളാസ് പുരാന്‍റെയും പേരുകളാണ് രാഹുല്‍ പറഞ്ഞത്. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്