അണ്ടർ 19 ഏഷ്യാ കപ്പ് നേടിയതിന് പിന്നാലെ  ഇന്ത്യൻ ടീമിനെതിരെ ഐസിസിയെ സമീപിക്കുമെന്ന് പാകിസ്ഥാൻ ക്രിക്കറ്റ് ബോർഡ് ചെയർമാൻ മൊഹ്‌സിൻ നഖ്‌വി പറഞ്ഞു. ഫൈനലിൽ ഇന്ത്യൻ താരങ്ങൾ പാകിസ്ഥാൻ കളിക്കാരെ പ്രകോപിപ്പിച്ചതായി ആരോപിച്ചാണ് പിസിബിയുടെ നീക്കം. മത്സരത്തിനിടെ വൈഭവ് സൂര്യവംശി ഉൾപ്പെടെയുള്ള പാകിസ്ഥാൻ താരങ്ങൾ അവരുമായി വാക്കുതർക്കത്തിൽ ഏർപ്പെട്ടു. ഫൈനലിൽ ഇന്ത്യയെ 191 റൺസിന് പരാജയപ്പെടുത്തി പാകിസ്ഥാൻ കിരീടം നേടി.

പാകിസ്താൻ മുൻ ക്യാപ്റ്റനും അണ്ടർ-19 ടീമിന്റെ മെന്ററുമായ സർഫറാസ് അഹമ്മദ് ഫൈനലിന് ശേഷം ഇന്ത്യൻ താരങ്ങൾക്കെതിരേ രംഗത്തെത്തിയിരുന്നു. മത്സരത്തിൽ ഇന്ത്യയുടെ പെരുമാറ്റം അനുചിതമായിരുന്നില്ലെന്നും ക്രിക്കറ്റ് ചട്ടങ്ങൾക്ക് വിരുദ്ധമായിരുന്നുവെന്നും സർഫറാസ് ആരോപിച്ചു.

"ഞങ്ങൾ ഞങ്ങളുടെ വിജയം സ്പോർട്സ്മാൻഷിപ്പോടെ ആഘോഷിച്ചു. ക്രിക്കറ്റ് എപ്പോഴും ശരിയായ സ്പിരിറ്റിൽ കളിക്കണം. ഇന്ത്യ ചെയ്തത് അവരുടെ സ്വന്തം പ്രവർത്തനങ്ങളെ പ്രതിഫലിപ്പിക്കുന്നു." - സർഫറാസ് മത്സരശേഷം പറഞ്ഞു.

സർഫറാസിന്റെ പ്രതികരണങ്ങൾക്ക് പിന്നാലെ പാകിസ്താൻ ക്രിക്കറ്റ് ബോർഡ് ചെയർമാൻ മുഹമ്മദ് നഖ്‌വിയും ഇന്ത്യയ്ക്കെതിരേ തിരിഞ്ഞു. മത്സരത്തിനിടെ ഇന്ത്യൻ താരങ്ങൾ പാക് കളിക്കാരെ പ്രകോപിപ്പിച്ചുവെന്ന് നഖ്‌വി പറഞ്ഞു. വിഷയത്തിൽ ഐസിസിയെ സമീപിക്കുമെന്നും അദ്ദേഹം കൂട്ടിച്ചേർത്തു. പാക് അണ്ടർ-19 ടീമിന് നൽകിയ സ്വീകരണ ചടങ്ങിനിടെയാണ് പ്രതികരണം.

കളിയും രാഷ്ട്രീയവും വേർതിരിച്ചു നിർത്തണമെന്ന് ബോർഡിനോട് അഭ്യർത്ഥിക്കാൻ പിസിബി ഐസിസിയെ ഔദ്യോഗികമായി സമീപിക്കുമെന്നും അദ്ദേഹം കൂട്ടിച്ചേർത്തു. "അണ്ടർ-19 ഏഷ്യാ കപ്പ് ഫൈനലിനിടെ ഇന്ത്യൻ കളിക്കാർ പാകിസ്താൻ കളിക്കാരെ പ്രകോപിപ്പിച്ചുകൊണ്ടേയിരുന്നു. ഈ സംഭവത്തിൽ പാകിസ്താൻ ഔദ്യോഗികമായി ഐസിസിയെ അറിയിക്കും. രാഷ്ട്രീയവും കായികവും എപ്പോഴും വേർതിരിച്ചു നിർത്തണം." - നഖ്‌വി പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്