സ്വന്തം ഗ്രൗണ്ടായ ഓൾഡ്ട്രാഫോർഡിൽ എഫ്.എ കപ്പിൽ ബ്രൈറ്റണോട് തോറ്റ് മാഞ്ചസ്റ്റർ യുണൈറ്റഡ് പുറത്തായത്. ഒന്നിനെതിരെ 2 ഗോളുകൾക്കായിരുന്നു മാഞ്ചസ്റ്റർ യുണൈറ്റഡിന്റെ പരാജയം. താൽക്കാലിക പരിശീലകൻ ഫ്‌ളെച്ചറിന്റെ കീഴിൽ ദയനീയമായ പ്രകടനമാണ് യുണൈറ്റഡ് കാഴ്ചവെച്ചത്.

നിരവധി അറ്റാക്കിംഗ് താരങ്ങളെ അണിനിരത്തി എങ്കിലും യുണൈറ്റഡിന് താളം കണ്ടെത്താനായില്ല.  ബ്രൈറ്റൺ ആകട്ടെ അനായാസം ഓൾഡ്ട്രാഫോർഡിൽ ലീഡ് എടുത്തു. 12-ാം മിനുറ്റിൽ ബ്രഹാൻ ഗ്രൂഡ സന്ദർശകർക്ക് ലീഡ് നൽകി. ആദ്യ പകുതിയിൽ എത്ര ശ്രമിച്ചിട്ടും യുണൈറ്റഡിന് മറുപടി നൽകാനായില്ല.

രണ്ടാം പകുതിയിൽ കാര്യങ്ങൾ കൂടുതൽ ബ്രൈറ്റണ് അനുകൂലമായി. 65-ാം മിനുറ്റിൽ മുൻ മാഞ്ചസ്റ്റർ യുണൈറ്റഡ് സ്‌ട്രൈക്കർ ഡാനി വെൽബക്കിന്റെ സ്‌ട്രൈക്ക് ബ്രൈറ്റന്റെ ലീഡ് ഇരട്ടിയാക്കി മാറ്റി. ഇതോടെ മാഞ്ചസ്റ്റർ യുണൈറ്റഡ് അറ്റാക്ക് ശക്തമാക്കി. 85-ാം മിനുറ്റിൽ ഒരു കോർണറിൽ നിന്ന് യുണൈറ്റഡ് തിരിച്ചടിച്ചു.

ബ്രൂണോയുടെ കോർണറിൽ നിന്ന് ഷെസ്‌കോയുടെ ഹെഡർ. സ്‌കോർ 2-1. 90-ാം മിനുറ്റിൽ യുണൈറ്റഡ് യുവതാരം ലേസി ചുവപ്പ് കണ്ട് പുറത്തായതോടെ യുണൈറ്റഡിന്റെ പോരാട്ടം അവസാനിച്ചു. എഫ്.എ കപ്പിൽ നിന്നും കൂടെ പുറത്തായതോടെ മാഞ്ചസ്റ്റർ യുണൈറ്റഡിന്റെ ഈ സീസണിലെ എല്ലാ കിരീട പ്രതീക്ഷയും അവസാനിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്