ഇംഗ്ലീഷ് പ്രീമിയർ ലീഗിൽ നടന്ന മത്സരത്തിൽ മാഞ്ചസ്റ്റർ യുണൈറ്റഡും ആഴ്‌സണലും 1 -1 സമനിലയിൽ പിരിഞ്ഞു. യുണൈറ്റഡിനായി ബ്രൂണോ ഫെർണാണ്ടസും ആഴ്‌സണലിനായി ഡക്ലൻ റൈസും ഗോൾ നേടി.

ഡിഫൻസിലൂടെയാണ് ഓൾഡ്ട്രാഫോർഡിൽ മാഞ്ചസ്റ്റർ യുണൈറ്റഡ് കളി ആരംഭിച്ചത്. ഈ ടാക്ടിക്‌സ് ആദ്യ പകുതിയിൽ നന്നായി ഫലം കണ്ടു. ആഴ്‌സണലിന് അധികം അവസരം ലഭിച്ചില്ല. ആദ്യ പകുതിയുടെ അവസാനം ബ്രൂണോ ഫെർണാണ്ടസിലൂടെ മാഞ്ചസ്റ്റർ യുണൈറ്റഡ് ലീഡ് എടുക്കുകയും ചെയ്തു.

ഒരു ഫ്രീകിക്കിൽ നിന്നായിരുന്നു ബ്രൂണോ ഫെർണാണ്ടസിന്റെ മനോഹരമായ ഗോൾ. രണ്ടാം പകുതിയിൽ ലീഡ് ഉയർത്താൻ യുണൈറ്റഡിന് നല്ല അവസരങ്ങൾ ലഭിച്ചു. മസ്രോയിയുടെയും സിർക്‌സിയുടെയും രണ്ട് നല്ല അവസരങ്ങൾ ആഴ്‌സണൽ കീപ്പർ റയ ഗംഭീരമായി തടഞ്ഞു.

75-ാം മിനിറ്റിൽ ആഴ്‌സണൽ തിരിച്ചടിച്ചു. ഡെക്ലൻ റൈസിന്റെ സ്‌ട്രൈക്ക് ആണ് ഒനാനയെ കീഴ്‌പ്പെടുത്തി വലയിൽ എത്തിയത്. സ്‌കോർ 1-1. 93-ാം മിനിറ്റിൽ ബ്രൂണോയുടെ ഒരു ഷോട്ട് ഹീറോയിക് സേവിലൂടെ റയ തടഞ്ഞത് ആഴ്‌സണലിനെ പരാജയത്തിൽ നിന്ന് രക്ഷിച്ചു.

ഈ സമനിലയോടെ ആഴ്‌സണൽ 55 പോയിന്റുമായി രണ്ടാമത് നിൽക്കുകയാണ്. മാഞ്ചസ്റ്റർ യുണൈറ്റഡ് 34 പോയിന്റുമായി 14-ാം സ്ഥാനത്തും നിൽക്കുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്