ടോക്കിയോയിൽ നടന്ന ജപ്പാൻ ഓപ്പൺ ബാഡ്മിന്റൺ ടൂർണമെന്റിൽ ഇന്ത്യയുടെ സൂപ്പർ താരം പി.വി.സിന്ധുവിന് ചരിത്ര കിരീടം. ആവേശകരമായ ഫൈനൽ പോരാട്ടത്തിൽ ജപ്പാന്റെ സ്വന്തം താരവും ലോക ബാഡ്മിന്റണിലെ കരുത്തയുമായ അകാനെ യമാഗുച്ചിയെ അട്ടിമറിച്ചാണ് സിന്ധു സ്വർണ്ണനേട്ടത്തിൽ മുത്തമിട്ടത്.
ഇതോടെ ജപ്പാൻ ഓപ്പൺ ബാഡ്മിന്റൺ ടൂർണമെന്റിന്റെ ചരിത്രത്തിൽ കിരീടം ചൂടുന്ന ആദ്യത്തെ ഇന്ത്യൻ താരമെന്ന സുവർണ്ണ നേട്ടവും മുപ്പത്തിയൊന്നുകാരിയായ സിന്ധു സ്വന്തം പേരിൽ കുറിച്ചു.
ജപ്പാൻ ഓപ്പൺ സൂപ്പർ 750 ടൂർണമെന്റിന്റെ ഫൈനലിൽ ജപ്പാന്റെ അകാനെ യമഗുച്ചിയെ തകർത്ത് സിന്ധു കിരീടം ചൂടിയത്. നേരിട്ടുള്ള ഗെയിമുകൾക്കായിരുന്നു (21-17, 21-17) സിന്ധുവിന്റെ വിജയം.
ഈ ജയത്തോടെ ജപ്പാൻ ഓപ്പണിൽ കിരീടം നേടുന്ന ആദ്യ ഇന്ത്യൻ താരമെന്ന റെക്കോർഡും സിന്ധു സ്വന്തമാക്കി. സ്വന്തം നാട്ടുകാർക്ക് മുന്നിൽ ആർത്തുവിളിച്ച ജാപ്പനീസ് കാണികളെ സാക്ഷി നിർത്തിയായിരുന്നു സിന്ധുവിന്റെ ചരിത്രവിജയം. 2018ലെ വേൾഡ് ടൂർ ഫൈനൽസിനും 2016ലെ ചൈന ഓപ്പണിനും ശേഷം സിന്ധു നേടുന്ന പ്രധാനപ്പെട്ട കിരീടമാണിത്.
മുൻപ് പലപ്പോഴും യമഗുച്ചിക്ക് മുന്നിൽ കാലിടറിയിട്ടുള്ള സിന്ധു കൃത്യമായ തന്ത്രങ്ങളോടെയാണ് താരം ഇറങ്ങിയത്. തുടക്കത്തിൽ 9-11 ന് പിന്നിലായിരുന്ന സിന്ധു, യമഗുച്ചി ബോഡി സ്മാഷുകൾ തൊടുത്തപ്പോൾ അതേ നാണയത്തിൽ തിരിച്ചടിച്ച് കളം പിടിച്ചു.
ഒന്നാം ഗെയിമിൽ 11-11 എന്ന സ്കോറിൽ വെച്ച് നടന്ന 36 ഷോട്ടുകളുടെ കില്ലർ റാലിയാണ് കളിയുടെ ഗതി മാറ്റിയത്. തന്റെ ഉയരക്കൂടുതൽ മുതലാക്കി ലോങ് ക്ലിയറുകൾ യമഗുച്ചിയുടെ കണക്കുകൂട്ടലുകൾ തെറ്റിച്ചു.
രണ്ടാം ഗെയിമിൽ 14-7 ന് മുന്നിലായിരുന്ന സിന്ധുവിനെതിരെ യമഗുച്ചി 18-17 വരെ പോരാടിയെങ്കിലും, സിന്ധുവിന്റെ തകർപ്പൻ നെറ്റ് ഗെയിമിന് മുന്നിൽ ഒടുവിൽ ജാപ്പനീസ് താരം കീഴടങ്ങുകയായിരുന്നു.
മുൻപ് ഏഷ്യൻ ചാമ്പ്യൻഷിപ്പ് ഫൈനൽ, ഇന്തോനേഷ്യ സൂപ്പർ 1000 ഉൾപ്പെടെ പല പ്രധാന വേദികളിലും സിന്ധു യമഗുച്ചിക്ക് മുന്നിൽ അടിയറവ് പറഞ്ഞിരുന്നു.
സെമി ഫൈനലിൽ ചൈനയുടെ ഒളിമ്പിക് ചാമ്പ്യൻ ചെൻ യുഫെയ് സിന്ധുവുമായുള്ള പോരാട്ടത്തിനിടെ പരിക്കേറ്റ് പിന്മാറിയിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-(1)-20260615023036.jpg)
