ഫയർ ആയി പുഷ്‌പ 2; റിലീസിന് മുമ്പ് തന്നെ 900 കോടി നേടി അല്ലു അര്‍ജുൻ ചിത്രം

OCTOBER 17, 2024, 3:17 PM

ഈ വർഷം അല്ലു അർജുൻ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് പുഷ്പ 2. ഡിസംബർ 6 ന് ചിത്രം റിലീസ് ചെയ്യുമെന്നാണ് റിപ്പോർട്ട്. ഇതിനോടകം പുറത്തിറങ്ങിയ ചിത്രത്തിലെ ഗാനങ്ങള്‍ക്ക് മികച്ച പ്രതികരണമാണ് ലഭിച്ചത്.

500 കോടി രൂപയാണ് പുഷ്പ 2വിന്റെ ബജറ്റ്. എന്നാല്‍ റിലീസിന് മുന്‍പ് തന്നെ 900 കോടി രൂപയോളം കളക്‌ട് ചെയ്ത് റെക്കോർഡ് സൃഷ്ടിച്ചിരിക്കുകയാണ് പുഷ്പ എന്നാണ് പുറത്തു വരുന്ന റിപ്പോർട്ട്.

അടുത്തിടെ 'പുഷ്പ 2'ന്റെ ഒടിടി അവകാശം നെറ്റ്ഫ്ലിക്‌സ് വാങ്ങിയതായി റിപ്പോർട്ടുകള്‍ വന്നിരുന്നു. തെലുങ്ക്, ഹിന്ദി, തമിഴ്, കന്നഡ, മലയാളം എന്നീ അഞ്ച് ഭാഷകളിലായി 270 കോടി രൂപയ്‌ക്കാണ് പുഷ്പ 2 വിന്റെ OTT അവകാശം വിറ്റുപോയത് .അതേ സമയം ചിത്രത്തിന്റെ തിയറ്റർ അവകാശം 650 കോടി രൂപയ്‌ക്കാണ് വിറ്റുപോയിരിക്കുന്നത് എന്നാണ് കണക്കുകൾ വ്യക്തമാക്കുന്നത്.