ഒരുകൂട്ടം ആളുകൾ ചേർന്ന് ട്രെയിൻ തള്ളുന്ന രം​ഗം കണ്ടിട്ടുണ്ടോ? ഇത്തരം ഒരു രംഗമാണ് ഇപ്പോൾ സോഷ്യൽ മീഡിയയിൽ വൈറൽ ആവുന്നത്. ട്രെയിൻ തള്ളിയത് വെറുതെ അല്ല, ഒരു ജീവൻ രക്ഷിക്കാൻ ആണ്. സംഭവം നടന്നത് മുംബൈയിലാണ്. 

ഒരു യാത്രക്കാരൻ‌ ട്രെയിനിന്റെ അടിയിൽ വീണതിനെ തുടർന്നാണ് മറ്റ് യാത്രക്കാരെല്ലാവരും ചേർന്ന് ട്രെയിൻ തള്ളി മാറ്റാൻ ശ്രമിക്കുകയായിരുന്നു. നവി മുംബൈയിലെ വാഷി സ്റ്റേഷനിൽ തിങ്കളാഴ്ചയാണ് ഈ സംഭവം നടന്നത് എന്നാണ് റിപ്പോർട്ടുകളിൽ നിന്നും വ്യക്തമാക്കുന്നത്. 

This is Mumbai Spirit: Rail Commuters at Vashi station pushed a 12-car local train to try and save a person who was caught under the wheels

pic.twitter.com/3icqjWFCG9

— Singh Varun (@singhvarun) February 8, 2024

ട്രെയിനിനും പ്ലാറ്റ്‍‍ഫോമിനും ഇടയിലുള്ള ചെറിയ ​വിടവിൽ കൂടി ആണ് യാത്രക്കാരൻ ട്രെയിനിന് അടിയിലേക്ക് വീണത്. സിസിടിവി ഫൂട്ടേജ് പ്രകാരം പ്ലാറ്റ്‍ഫോമിന്റെ സൈഡിൽ ചാരി നിൽക്കുകയായിരുന്നു ഇയാൾ. ഇയാളെ ട്രെയിൻ കുറച്ച് മീറ്റർ വലിച്ചിഴച്ച് കൊണ്ടുപോയി എന്നും റിപ്പോർട്ടുകൾ പറയുന്നു. പിന്നീടാണ് ഇയാളെ രക്ഷിക്കുന്നതിന് വേണ്ടി ആളുകൾ ചേർന്ന് ട്രെയിൻ തള്ളുന്നത്. 

എന്നാൽ ഏറെ സങ്കടകരമായ കാര്യം അവസാനം കൂട്ടായ പരിശ്രമത്തിനൊടുവിൽ യാത്രക്കാർക്ക് താഴെ വീണയാളെ പുറത്തേക്ക് എടുക്കാൻ സാധിച്ചു എങ്കിലും ​ഗുരുതരമായി പരിക്കേറ്റ ആൾ മരിച്ചു എന്ന വാർത്തയാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്