'ഗൂഗിൾ പേ പോക്കറ്റ് മണി' തട്ടിപ്പോ?

APRIL 10, 2026, 8:30 PM

ഗൂഗിൾ പേയിലെ പോക്കറ്റ് മണി ആരും ഉപയോഗിക്കരുതെന്ന സന്ദേശം നിങ്ങൾക്ക് കിട്ടിയാരുന്നോ?. ഒട്ടുമിക്ക എല്ലാവരുടെ വാട്സാപ്പ് ഗ്രൂപ്പുകളിൽ ഈ സന്ദേശം ഫോർവേഡ് ചെയ്ത് എത്തിയിട്ടുണ്ടാകും. സോഷ്യൽ മീഡിയയിൽ വ്യാപകമായി പ്രചരിക്കുന്ന സന്ദേശം അടിസ്ഥാനരഹിതമാണെന്ന് വ്യക്തമാക്കുകയാണ് കേരളാ പൊലീസ്,

കേരള പൊലീസ് പറയുന്ന ഇക്കാര്യം ഒന്നു ശ്രദ്ധിക്കൂ,

Google Pay “Pocket Money” ഫീച്ചർ സം ബന്ധിച്ച തെറ്റായ പ്രചരണങ്ങൾ സൂക്ഷിക്കുക

വിവിധ സോഷ്യൽ മീഡിയ പ്ലാറ്റ്‌ഫോമുകൾ വഴി ഗുഗിൾ പേയിലെ "Pocket Money" എന്ന ഫീച്ചറിനെ കുറിച്ച് തെറ്റിദ്ധരിപ്പിക്കുന്ന വോയ്‌സ് സന്ദേശങ്ങളും പോസ്റ്റുകളും പ്രചരിക്കുന്നതായി ശ്രദ്ധയിൽപ്പെട്ടിട്ടുണ്ട്. പ്രസ്‌തുത സന്ദേശങ്ങളിൽ, ഈ ഫീച്ചർ തട്ടിപ്പിനായി ഉപയോഗിക്കപ്പെടുന്നതാണെന്നും പൊതുജനങ്ങൾ ഇത് ഉപയോഗിക്കരുതെന്നും ബാങ്ക് അക്കൗണ്ടിലെ പണം മുഴുവൻ നഷ്ട്‌ടപ്പെടും എന്നതരത്തിലുള്ള വ്യാജവിവരങ്ങൾ പ്രചരിപ്പിക്കപ്പെടുന്നു.ആയതിനാൽ ആശങ്കപ്പെട്ടു പൊതുജനങ്ങൾ നിരന്തരം 1930ൽ ബന്ധപ്പെടുന്നുണ്ട്. നിങ്ങളുടെ അനുമതിയോ യു പി ഐ പിൻ (UPI PIN) നൽകാതെയോ നിങ്ങളിൽനിന്ന് google pay അക്കൗണ്ട് വഴി പണം നഷ്ടപ്പെടാൻ സാധ്യതയില്ല.

ഇത്തരത്തിൽ പ്രചരിക്കുന്ന ചില വോയ്‌സ് സന്ദേശങ്ങൾ "Pocket Money" ഫീച്ചർ തട്ടിപ്പിനായി ഉപയോഗിക്കപ്പെടുന്നുവെന്ന തരത്തിൽ തെറ്റായ ആശങ്കകൾ സൃഷ്ടിക്കുന്നതാണ്. ഈ തരത്തിലുള്ള വിവരങ്ങൾ അടിസ്ഥാനരഹിതവും തെറ്റിദ്ധരിപ്പിക്കുന്നതുമാണ്. ഇത് സംബന്ധിച്ച് നിലവിൽ സൈബർ തട്ടിപ്പുകൾ സ്ഥിരീകരിച്ചിട്ടില്ല. അതിനാൽ പൊതുജനങ്ങൾ ഇത്തരം പ്രചാരണങ്ങൾ ആശങ്കപ്പെടേണ്ടതില്ല.

പൊതുജനങ്ങൾ ശ്രദ്ധിക്കേണ്ട നിർദ്ദേശങ്ങൾ

Google Pay Pocket Money റിവാർഡ് ലഭിച്ചിട്ടുണ്ട്, അത് അക്കൗണ്ടിലേക്ക് മാറ്റാൻ ഈ ലിങ്കിൽ ക്ലിക്ക് ചെയ്യുക" എന്ന തരത്തിലുള്ള വാട്‌സാപ്പ് / SMS സന്ദേശങ്ങൾ വിശ്വസിക്കരുത്.

❗ഇത്തരത്തിലുള്ള സന്ദേശങ്ങളിൽ ഉൾപ്പെടുത്തിയിരിക്കുന്ന അപരിചിത ലിങ്കുകൾ ക്ലിക്ക് ചെയ്യുന്നത് ഒഴിവാക്കുക.

❗പണം ലഭിക്കാൻ (Receive ചെയ്യാൻ) UPI PIN നൽകേണ്ട ആവശ്യമില്ല.