'ചിത്രത്തിലെ 8 സീനുകൾ നീക്കം ചെയ്തശേഷം മാത്രം റിലീസ്'; ശ്രീനാഥ് ഭാസി ചിത്രം 'പൊങ്കാല'യ്ക്ക് സെൻസർ ബോർഡിന്റെ വിലക്ക്

NOVEMBER 28, 2025, 5:34 AM

ശ്രീനാഥ് ഭാസി നായകനായ 'പൊങ്കാല' സിനിമയ്ക്ക് സെൻസർ ബോർഡിന്റെ വിലക്ക്. ചിത്രത്തിലെ എട്ട് റീലുകളിലെ 8 സീനുകൾ നീക്കം ചെയ്തശേഷം മാത്രമേ പുറത്തിറക്കാവു എന്നാണ് സെൻസർ ബോർഡിന്റെ നിർദ്ദേശം.

അതേസമയം നവംബർ 30 ഞായറാഴ്ച റിലീസ് ചെയ്യാനിരുന്ന 'പൊങ്കാല'യുടെ റിലീസ് ഇതേ തുടർന്ന് മാറ്റിവെച്ചു എന്നാണ് പുറത്തു വരുന്ന റിപ്പോർട്ട്. സെൻസർ ബോർഡ് നിർദ്ദേശിച്ച സീനുകൾ നീക്കം ചെയ്തശേഷം തൊട്ടടുത്ത ദിവസം തന്നെ ചിത്രം റിലീസ് ചെയ്യാനാണ് തീരുമാനമെന്ന് അണിയറ പ്രവർത്തകർ അറിയിച്ചു.

എ ബി ബിനിൽ കഥയും തിരക്കഥയും രചിച്ചു സംവിധാനം ചെയ്യുന്ന 'പൊങ്കാല' ഗ്ലോബൽ പിക്ചേഴ്സ് എന്റർടൈന്മെന്റ്,ജൂനിയർ 8 ബാനറിൽ ദീപു ബോസും അനിൽ പിള്ളയും ചേർന്ന് ആണ് നിർമ്മിക്കുന്നത്.