രജനീകാന്തും അമിതാബും ഒരു ഫ്രൈമില്‍; ചിത്രങ്ങൾ ഏറ്റെടുത്തു ആരാധകർ

MAY 4, 2024, 10:52 AM

ചെന്നൈ: രജനികാന്ത് നായകനായി ഒരുങ്ങുന്ന ചിത്രമാണ് വേട്ടൈയൻ. സൂര്യ നായകനായ ജയ് ഭീമിന്റെ സംവിധായകൻ എന്ന നിലയില്‍ രാജ്യത്തൊട്ടാകെ പേരുകേട്ട ശേഷമാണ് ടി ജെ ജ്ഞാനവേല്‍ വേട്ടൈയനുമായി രജനി ആരാധകർക്ക് മുന്നിൽ എത്തുന്നത്.

ഇപ്പോൾ വേട്ടൈയൻ സിനിമയുടെ പുതിയ ഷൂട്ടിംഗ് സ്റ്റില്ലുകളാണ് വൈറൽ ആവുന്നത്. രജനികാന്തും ബോളിവുഡ് ബിഗ് ബി അമിതാഭ് ബച്ചനും ഒന്നിച്ച് എത്തുന്ന രംഗങ്ങളുടെ ഷൂട്ടിംഗാണ് ഇപ്പോള്‍ നടക്കുന്നത്. ഇതിന്‍റെ ലൊക്കേഷന്‍ സ്റ്റില്ലുകളാണ് നിര്‍മ്മാതാക്കള്‍ പുറത്തുവിട്ടിരിക്കുന്നത്.

ചിത്രങ്ങൾ ഇതിനോടകം വൈറൽ ആണ്. ചിത്രത്തിന്‍റെ അവസാനഘട്ട ചിത്രീകരണമാണ് ഇപ്പോള്‍ നടക്കുന്നത്. അമിതാഭ് ബച്ചൻ ചിത്രത്തിൽ ഒരു സുപ്രധാന റോളിലാണ് എത്തുന്നത് എന്നാണ് പുറത്തു വരുന്ന വിവരം.