നടൻ രൺബീർ കപൂറുമായുള്ള വിവാഹജീവിതത്തിൽ അസ്വാരസ്യങ്ങൾ ഉണ്ടെന്ന ഓൺലൈൻ വാർത്തകളിൽ പ്രതികരിച്ച് ബോളിവുഡ് താരം ആലിയ ഭട്ട്. എസ്ക്വയർ ഇന്ത്യയോടുള്ള അഭിമുഖത്തിൽ ഇത്തരം വാർത്തകൾ തന്നെ അസ്വസ്ഥമാക്കുന്നില്ലെന്ന് ആലിയഭട്ട് പറഞ്ഞു.

രൺബീറുമായുള്ള തൻ്റെ ബന്ധത്തെക്കുറിച്ച് ആളുകൾക്ക് അറിയില്ല. അവർ ഓൺലൈനിൽ പ്രചരിക്കുന്ന ഹ്രസ്വ നിമിഷങ്ങൾ മാത്രമാണ് കാണുന്നത്. താനും രൺബീറും ഏഴ് വർഷത്തിലേറെയായി ഒരുമിച്ചാണെന്നും 2022 മുതൽ വിവാഹിതരാണെന്നും ആലിയ പറഞ്ഞു.

ചിലപ്പോൾ തങ്ങൾ മീമുകൾ കണ്ട് ചിരിക്കാറുണ്ടെന്നും മറ്റു ചിലപ്പോൾ അവ ശ്രദ്ധിക്കാറില്ലെന്നും ആലിയ പറഞ്ഞു. "ഒരു മുറിയിൽ അമ്പത് പേരുണ്ടെങ്കിൽ, ഒരുപക്ഷേ നാല് പേർക്കേ നിങ്ങളെക്കുറിച്ച് കരുതലുള്ളൂ. ബാക്കിയുള്ളവർ ഭീകരമായ കാര്യങ്ങൾ ചിന്തിച്ചേക്കാം, പക്ഷേ നിങ്ങൾക്ക് അവ കേൾക്കാനാവില്ല. എന്നുകരുതി എൻ്റെ യാഥാർത്ഥ്യം മാറുന്നുണ്ടോ? ഇല്ല. എൻ്റെ കുടുംബ ബന്ധത്തിൽ മാറ്റമുണ്ടോ? ഒട്ടും ഇല്ല. ഞാൻ എൻ്റെ സ്വപ്നം ജീവിക്കുന്നുണ്ടോ? ഉണ്ട്. ഞാൻ ദിവസവും നല്ല മനസ്സോടെ ഉറങ്ങാൻ പോകുന്നുണ്ടോ? നൂറ് ശതമാനം."-ആലിയ പറഞ്ഞു.

അയാൻ മുഖർജിയുടെ ബ്രഹ്മാസ്ത്ര എന്ന ചിത്രത്തിൽ ഒരുമിച്ച് അഭിനയിച്ചതിനു ശേഷമാണ് ആലിയയും രൺബീറും ഡേറ്റിങ് തുടങ്ങിയത്. 2022 ഏപ്രിലിൽ സിനിമ പുറത്തിറങ്ങുന്നതിന് തൊട്ടുമുമ്പ് ഇരുവരും വിവാഹിതരായി. അതേ വർഷം ദമ്പതികൾക്ക് റാഹ എന്ന മകളും ജനിച്ചു. ഈ വർഷം അവസാനം സഞ്ജയ് ലീല ബൻസാലിയുടെ ലവ് ആൻഡ് വാർ എന്ന ചിത്രത്തിൽ രൺബീറും ആലിയയും വീണ്ടും ഒന്നിക്കും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്