25 ലക്ഷം നഷ്ടം: ബിജു മേനോനെതിരെ നടപടിക്ക് ഒരുങ്ങി നിർമ്മാതാവ്

FEBRUARY 10, 2026, 2:13 AM

സിനിമയുടെ കരാർ പ്രകാരമുള്ള പ്രമോഷൻ പരിപാടികളിൽ നടൻ ബിജു മേനോൻ പങ്കെടുത്തില്ലെന്ന ആരോപണവുമായി സംവിധായകൻ ബി. ഉണ്ണികൃഷ്ണൻ കഴിഞ്ഞ ദിവസം രംഗത്തെത്തിയിരുന്നു. ഇതിനെ തുടർന്ന് നിർമ്മാതാവിന് ഏകദേശം 25 ലക്ഷം രൂപയുടെ നഷ്ടമുണ്ടായതായി അദ്ദേഹം വ്യക്തമാക്കിയിരുന്നു.

എന്നാൽ സംഭവത്തിൽ ബിജു മേനോനെതിരെ നിയമ നടപടിയുമായി മുന്നോട്ട് പോകാനാണ് തീരുമാനം എന്ന് നിർമ്മാതാവ് അനൂപ് കണ്ണൻ വ്യക്തമാക്കി. ഇതിനായി പ്രൊഡ്യൂസേഴ്സ് അസോസിയേഷൻ മുമ്പ് തന്നെ പിന്തുണ ഉറപ്പു നൽകിയതായും അദ്ദേഹം പറഞ്ഞു.

പ്രമോഷൻ പരിപാടികളിൽ ബിജു മേനോൻ വളരെ കുറച്ച് സമയം മാത്രമാണ് പങ്കെടുത്തതെന്നും, തുടർബന്ധപ്പെടാൻ ശ്രമിച്ചെങ്കിലും പ്രതികരണം ലഭിച്ചില്ലെന്നും നിർമ്മാതാവ് ആരോപിച്ചു. വിഷയത്തിൽ ബിജു മേനോൻ ഇതുവരെ പ്രതികരിച്ചിട്ടില്ല.