ന്യൂഡെല്‍ഹി: പശ്ചിമേഷ്യയില്‍ സംഘര്‍ഷം നിലനില്‍ക്കുന്നതിനിടെ ഇസ്രായേലിലേക്ക് ഇന്ത്യന്‍ തൊഴിലാളികളെ റിക്രൂട്ട് ചെയ്യാന്‍ മോദി സര്‍ക്കാര്‍ സൗകര്യമൊരുക്കുകയാണെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ ആരോപിച്ചു. സര്‍ക്കാരിന്റെ നാഷണല്‍ സ്‌കില്‍ ഡെവലപ്മെന്റ് കോര്‍പ്പറേഷന്‍ (എന്‍എസ്ഡിസി) വഴി ഏകദേശം 15,000 ഇന്ത്യന്‍ തൊഴിലാളികളെ ഇസ്രായേലിലേക്ക് അയയ്ക്കുന്നുണ്ടെന്ന് എക്സിലെ ഒരു പോസ്റ്റില്‍ ഖാര്‍ഗെ അവകാശപ്പെട്ടു.

റഷ്യ-ഉക്രെയ്ന്‍ യുദ്ധത്തില്‍ ചേരാന്‍ ഇന്ത്യന്‍ യുവാക്കളെ വ്യാജരേഖ ചമച്ച് കബളിപ്പിക്കാന്‍ അനുവദിച്ചുവെന്നാരോപിച്ച് അദ്ദേഹം സര്‍ക്കാരിനെ രൂക്ഷമായി വിമര്‍ശിച്ചു. ഹരിയാനയില്‍ ഒക്ടോബര്‍ അഞ്ചിന് നടക്കുന്ന നിയമസഭാ തിരഞ്ഞെടുപ്പിന്റെ പ്രചാരണം അവസാനിച്ച് മണിക്കൂറുകള്‍ക്കകമാണ് ഖാര്‍ഗെയുടെ പോസ്റ്റ്.

''നേരത്തെ നിരവധി ഇന്ത്യന്‍ യുവാക്കളെ റഷ്യ-യുക്രെയ്ന്‍ യുദ്ധത്തിന് പോകാന്‍ ഏജന്റുമാര്‍ കബളിപ്പിച്ചിരുന്നു. പലര്‍ക്കും ജീവനും നഷ്ടപ്പെട്ടു. മോദി സര്‍ക്കാരിന്റെ യുവജന വിരുദ്ധ നയങ്ങള്‍ സൃഷ്ടിച്ച തൊഴിലില്ലായ്മയെക്കുറിച്ച് ഇത് സംസാരിക്കുന്നു,'' കോണ്‍ഗ്രസ് അധ്യക്ഷന്‍ പറഞ്ഞു.

അവിദഗ്ധരും അര്‍ദ്ധ വൈദഗ്ധ്യമുള്ളവരും അഭ്യസ്തവിദ്യരുമായ യുവാക്കള്‍ തങ്ങളുടെ ജീവന്‍ പണയപ്പെടുത്താനും ഉയര്‍ന്ന ശമ്പളത്തില്‍ യുദ്ധഭീതിയുള്ള സ്ഥലങ്ങളില്‍ സേവനം ചെയ്യാനും തയ്യാറാണെന്ന വസ്തുത, തൊഴില്‍ ലഭ്യത സംബന്ധിച്ചുള്ള പ്രധാനമന്ത്രി മോദിയുടെ ഉന്നതമായ അവകാശവാദങ്ങള്‍ സ്വന്തം പരാജയങ്ങള്‍ മറയ്ക്കാനുള്ള വ്യാജ മറുപടികളല്ലാതെ മറ്റൊന്നുമല്ല എന്നാണെന്നും ഖാര്‍ഗെ കൂട്ടിച്ചേര്‍ത്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്