ഇന്ത്യ മുന്നണി നേതൃസ്ഥാനത്തേക്ക് തന്നെ പിന്തുണച്ച നേതാക്കള്‍ക്ക് നന്ദി പറഞ്ഞ് മമത ബാനര്‍ജി

DECEMBER 11, 2024, 8:41 AM

കൊല്‍ക്കത്ത: ഇന്ത്യാ ബ്ലോക്കിന്റെ നേതൃസ്ഥാനത്തേക്ക് തന്നെ പിന്തുണച്ച പ്രതിപക്ഷ നേതാക്കള്‍ക്ക് പശ്ചിമ ബംഗാള്‍ മുഖ്യമന്ത്രി മമത ബാനര്‍ജി നന്ദി പറഞ്ഞു.

'എന്നെ ആദരിച്ച എല്ലാ നേതാക്കളോടും ഞാന്‍ നന്ദിയുള്ളവളാണ്. അവര്‍ക്കെല്ലാം നല്ല ആരോഗ്യം നേരുന്നു. അവര്‍ സുഖമായിരിക്കട്ടെ, അവരുടെ പാര്‍ട്ടി നന്നാവട്ടെ. ഇന്ത്യ നന്നാവട്ടെ,' ബാനര്‍ജി പറഞ്ഞു.

പ്രതിപക്ഷ സഖ്യത്തിന്റെ നിലവിലെ പ്രവര്‍ത്തനത്തില്‍ അതൃപ്തി പ്രകടിപ്പിക്കുന്നതിനിടെ, അവസരം ലഭിച്ചാല്‍ ഇന്ത്യ ബ്ലോക്കിന്റെ ചുമതല ഏറ്റെടുക്കാമെന്ന് കഴിഞ്ഞ ആഴ്ച മമത ബാനര്‍ജി പറഞ്ഞിരുന്നു.

''അവസരം ലഭിക്കുകയാണെങ്കില്‍, അതിന്റെ സുഗമമായ പ്രവര്‍ത്തനം ഞാന്‍ ഉറപ്പാക്കും. എനിക്ക് ബംഗാളിന് പുറത്ത് പോകാന്‍ താല്‍പ്പര്യമില്ല, പക്ഷേ എനിക്ക് അത് ഇവിടെ നിന്ന് ഓടിക്കാം,' മമത പറഞ്ഞു.

മുന്‍ ബിഹാര്‍ മുഖ്യമന്ത്രിയും ആര്‍ജെഡി അധ്യക്ഷനുമായ ലാലു യാദവ്, എന്‍സിപി-എസ്പി നേതാവ് ശരദ് പവാര്‍ എന്നിവരുള്‍പ്പെടെയുള്ള പ്രതിപക്ഷ നേതാക്കളില്‍ നിന്ന് തൃണമൂല്‍ മേധാവിക്ക് പിന്തുണ ലഭിച്ചു. എന്നാല്‍ കോണ്‍ഗ്രസ് മമതയുടെ നീക്കത്തെ എതിര്‍ത്ത് രംഗത്തെത്തി.